ونىڭ ايتۋىنشا، پرەزيدەنتتىڭ قازاقستان حالقىنا جولداۋىن ىسكە اسىرۋ جونىندەگى جالپى ۇلتتىق ءىس-شارالار جوسپارى 12 باعىت بويىنشا 96 (ونىڭ ىشىندە 80 ۇكىمەتتىك) ءىس-شارادان تۇرادى.
— ينفراقۇرىلىمدىق جاڭعىرۋ باعىتى اياسىندا «حالىقتىق قۇرىلىس» دامۋ جوسپارى بەكىتىلەدى. سونىمەن قاتار، 2027 -جىل حالىقتىق اۋقىمدى قۇرىلىس جىلى دەپ جاريالانادى. نەگىزگى الەۋمەتتىك جانە ينفراقۇرىلىمدىق جوبالاردى ىسكە اسىرۋ ءۇشىن ۇلتتىق قوردان شامامەن 6,5 تريلليون تەڭگە بولىنەدى. قالالىق ورتانى جاڭارتۋدىڭ جۇيەلى نەگىزى رەتىندە ءىرى قالالاردى ۇزاق مەرزىمدى دامىتۋدى ەسكۋربانيەرە وتىرىپ، قالا قۇرىلىسى قۇجاتتارىن ازىرلەۋ (ۋربانيستيكا)، سونداي-اق ولاردىڭ سيفرلىق سىڭارىن جاساۋ ىسكە اسىرىلادى، - دەدى سەرىك جۇمانعارين.
ونىڭ ايتۋىنشا، جالپى ۇلتتىق جوسپار اياسىندا سونىمەن قاتار، تۇرعىن ءۇي-كوممۋنالدىق شارۋاشىلىعىن جاڭعىرتۋدى قارجىلاندىرۋ، تۇرعىن ءۇي قۇرىلىسىن جالعاستىرۋ، ەلدى مەكەندەردى اۋىز سۋمەن جانە گازبەن قامتاماسىز ەتۋ قاراستىرىلعان.
بۇعان دەيىن حابارلانعانداي، بۇگىن ۇكىمەت وتىرىسىندا مەملەكەت باسشىسىنىڭ بيىلعى 28 -قازانداعى «جاڭا تاريحي كەزەڭدەگى قازاقستاننىڭ وزەكتى مىندەتتەرى» اتتى قازاقستان حالقىنا جولداۋىن ىسكە اسىرۋ جونىندەگى جالپى ۇلتتىق ءىس-شارالار جوسپارىنىڭ» جوباسى ماقۇلدانىپ، ءتيىستى قاۋلى قابىلداندى.