ەڭبەك جانە حالىقتى الەۋمەتتىك قورعاۋ مينيسترلىگى جۇمىسكەرلەر جۇمىس بەرۋشىنىڭ وزدەرى ءۇشىن مەملەكەتتىك الەۋمەتتىك ساقتاندىرۋ قورىنا الەۋمەتتىك اۋدارىمداردى اۋدارىپ وتىرعانىن ءوز بەتىنشە تەكسەرە الاتىنىن ەسكە سالادى. بۇل تۋرالى مالىمەتتەردى eGov.kz پورتالى، جەكەلەگەن بانكتەردىڭ موبيلدى قوسىمشالارى ارقىلى، سونداي-اق ح ق ك و- عا نەمەسە قوردىڭ فيليالىنا جەكە جۇگىنۋ ارقىلى الۋعا بولادى.
الەۋمەتتىك اۋدارىمداردىڭ ۋاقتىلى ءارى تولىق تولەنۋى جۇمىس ىستەيتىن ازاماتتاردىڭ الەۋمەتتىك قورعالۋىندا ماڭىزدى ءرول اتقارادى. وسى اۋدارىمدار نەگىزىندە ادامنىڭ تابىسى مەن مىندەتتى الەۋمەتتىك ساقتاندىرۋ جۇيەسىنە قاتىسۋ ۇزاقتىعى ەسكەرىلەدى. بۇل كورسەتكىشتەر ءتيىستى الەۋمەتتىك تولەمدەردى الۋ قۇقىعىن ايقىنداۋ جانە ولاردىڭ مولشەرىن ەسەپتەۋ ءۇشىن قاجەت.
- جالپى ءتارتىپ بويىنشا جۇمىس بەرۋشىلەر جۇمىسكەرلەر ءۇشىن الەۋمەتتىك اۋدارىمداردى ءوز قاراجاتى ەسەبىنەن تولەيدى. ول جۇمىسكەردىڭ جالاقىسىنان ۇستالمايدى. الەۋمەتتىك اۋدارىمداردىڭ مولشەرلەمەسى زاڭناماعا سايكەس ولاردى ەسەپتەۋ ءۇشىن قابىلداناتىن تابىستىڭ %5. اۋدارىمدار اي سايىن ەسەپتى ايدان كەيىنگى ايدىڭ 25 ىنەن كەشىكتىرىلمەي جۇرگىزىلۋگە ءتيىس.
مىندەتتى الەۋمەتتىك ساقتاندىرۋ جۇيەسى ەڭبەككە قابىلەتتىلىكتەن ايىرىلۋ، جۇمىسىنان ايىرىلۋ، جۇكتىلىك پەن بوسانۋعا، جاڭا تۋعان بالانى اسىراپ الۋعا، سونداي- اق بالا ءبىر جارىم جاسقا تولعانعا دەيىن ونىڭ كۇتىمىنە بايلانىستى تابىستان ايىرىلۋ جاعدايلارىندا الەۋمەتتىك تولەمدەر الۋدى كوزدەيدى. جۇيەگە قاتىسۋشى قايتىس بولعان جاعدايدا، زاڭنامادا بەلگىلەنگەن تالاپتار ساقتالعان كەزدە ونىڭ اسىراۋىنداعى وتباسى مۇشەلەرى اسىراۋشىسىنان ايىرىلۋ جاعدايى بويىنشا الەۋمەتتىك تولەم الۋعا قۇقىلى، - دەلىنگەن مينيسترلىك حابارلاسىندا.
الەۋمەتتىك تولەمدەردىڭ مولشەرى الەۋمەتتىك تاۋەكەلدىڭ تۇرىنە، الەۋمەتتىك اۋدارىمدار جۇرگىزىلگەن تابىس مولشەرىنە جانە جۇيەگە قاتىسۋ ۇزاقتىعىن قوسا العاندا، زاڭنامادا كوزدەلگەن وزگە دە ولشەمشارتتارعا بايلانىستى ايقىندالادى.
اۋدارىمداردى تەكسەرۋ ءۇشىن eGov.kz پورتالىندا «مىندەتتى الەۋمەتتىك ساقتاندىرۋ جۇيەسىنە قاتىسۋشىعا الەۋمەتتىك اۋدارىمداردىڭ جاعدايى مەن قوزعالىسى تۋرالى اقپارات بەرۋ» قىزمەتىن پايدالانۋ قاجەت. ءول ۇشىن پايدالانۋشى قاجەتتى مالىمەتتەر قامتىلاتىن كەزەڭدى تاڭداپ، ەلەكتروندىق سۇراۋ سالۋدى جولدايدى. ناتيجەنى جەكە كابينەتتەن كورۋگە بولادى.
سونداي-اق مالىمەتتەردى جەكەلەگەن بانكتەردىڭ موبيلدى قوسىمشالارىنداعى «مەملەكەتتىك قىزمەتتەر» بولىمىنەن الۋعا بولادى. ح ق و- عا نەمەسە م ءا س ق فيليالىنا جۇگىنگەن كەزدە جەكە باستى كۋالاندىراتىن قۇجاتتى كورسەتۋ قاجەت. بۇل اقپارات اۋدارىلعان سومالار مەن قاراجات تۇسكەن كەزەڭدەردى تەكسەرۋگە مۇمكىندىك بەرەدى.
ەگەر جەكەلەگەن ايلار بويىنشا الەۋمەتتىك اۋدارىمدار تۇسپەگەنى انىقتالسا نەمەسە ولاردىڭ مولشەرىنە قاتىستى سۇراقتار تۋىنداسا، مالىمەتتەردى سالىستىرىپ تەكسەرۋ ءۇشىن جۇمىس بەرۋشىگە نەمەسە بۋحگالتەرياعا جۇگىنۋ قاجەت. جۇمىس بەرۋشى الەۋمەتتىك اۋدارىمداردى تولەۋ جونىندەگى مىندەتتەمەسىن ورىنداماعان جاعدايدا، جۇمىسكەر ولاردىڭ تولىق ءارى ۋاقتىلى اۋدارىلۋىن باقىلاۋدى جۇزەگە اسىراتىن مەملەكەتتىك كىرىستەر ورگاندارىنا ءوتىنىش بەرۋگە قۇقىلى.
الەۋمەتتىك تولەمدەرگە قاتىستى كەڭەستى م ءا س ق فيليالدارىنان جانە 1414 ءبىرىڭعاي بايلانىس ورتالىعىنان الۋعا بولادى. الەۋمەتتىك اۋدارىمداردى تۇراقتى تۇردە تەكسەرۋ ولاردىڭ ۋاقىتىلى تۇسپەۋىن نەمەسە مالىمەتتەردەگى سايكەسسىزدىكتەردى دەر كەزىندە انىقتاپ، الەۋمەتتىك تاۋەكەل تۋىنداعانعا دەيىن ءتيىستى شارالار قابىلداۋعا مۇمكىندىك بەرەدى.