التايلىق سۋرەتشى 99 مەترلىك «ءتورت مەزگىل جانە ءجۇز تۇيە» اتتى كارتينا سالدى - شەتەلدەگى قازاق باسپا ءسوزى
Kazinform ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.
تۇركيا مەن قازاقستان قورعانىس سالاسىندا ىنتىماقتاستىق ارتىپ كەلەدى - TRT
تۇركيا مەن قازاقستاننىڭ قورعانىس سالاسىنداعى ىنتىماقتاستىعى ارتىپ كەلەدى. اتاپ ايتقاندا، قازاقستاندا تۇرىك ايەروعارىش ونەركاسىبى ا ق «TUSAŞ» - تىڭ شىعارعان «ANKA» اۋىر كلاستى پيلوتسىز اۋە كولىكتەرىنىڭ اسكەري ماقساتتى تاجىريبەلەرى جالعاسۋدا.
بۇل تۋرالى وسى اپتادا تۇركيا راديو تەلەۆيزيا پورتالى حابارلادى.
تۇركيالىق ب ا ق- تىڭ مالىمەتىنشە، OTOKAR كومپانياسى جەتىلدىرگەن «COBRA II» بروندى كولىكتەرىنىڭ قازاقستان قورعانىس مينيسترلىگىنىڭ ينۆەنتارىنا وسى جىلدىڭ سوڭىنا دەيىن ەنۋى كۇتىلۋدە.
بۇل تۋرالى ق ر پرەمەر-مينيسترلىگىنىڭ رەسمي ينتەرنەت پاراقشاسىندا قورعانىس مينيسترلىگىنىڭ ءبىرىنشى جارتىجىلدىقتاعى قىزمەتى تۋرالى ەسەپ تە جاريالاندى.
«ANKA» پيلوتسىز اۋە كولىكتەرىمەن بىرگە جىل سوڭىنا دەيىن قازاقستان اۋە قورعانىس ينۆەنتارىنىڭ زاماناۋي اسكەري ۇشاقتارىمەن، «А400М»اسكەري جۇك ۇشاقتارى جانە جوعارى دالدىكتەگى زىمىراندى ۇشاق قاعار قۇرىلعىلارىمەن ودان ءارى نىعايتۋ كوزدەلۋدە»، - دەپ جازعان تۇركيالىق ب ا ق.
سونداي-اق وسى اپتادا «TRT» - دا «اتاتۇرىك تۋعان ۇيگە كەلۋشى كوپ» دەگەن تاقىرىپتاعى اقپارات جاريالاندى.
اتالعان ب ا ق- تىڭ دەرەگىنشە، تۇركيا رەسپۋبليكاسىن قۇرۋشى مۇستافا كەمال اتاتۇرىكتىڭ گرەكيانىڭ سالونيكي قالاسىندا دۇنيەگە كەلىپ، 7 جاسىنا دەيىن تۇرعان. بۇل ءۇي - قازىر مۇراجاي. سول مۇراجاي-ۇيگە زياراتتاپ كەلۋشىلەر سانى وتە كوپ.
1933 -جىلى ساتىپ الىنىپ، مۇستافا كەمال اتاتۇرىككە سىيعا تارتۋ جوسپارلانعان ءۇيدىڭ كىلتى تۇركيانىڭ سالونيكيدەگى باس كونسۋلدىعىنا 1937 -جىلى تاپسىرىلعان. 1953 -جىلى كەلۋشىلەرگە ەسىگىن اشقان مۇراجاي- ءۇي 2012 -جىلعى اۋقىمدى رەستاۆراتسيادان كەيىن قازىرگى كۇيىنە كەلگەن.
ايتا كەتۋ كەرەك، قازىر وسى مۇراجايعا تۇركيادان جانە الەمنىڭ كوپتەگەن ەلىنەن قوناقتار كەلەدى. اسىرەسە جاز ايلارىندا گرەكياعا دەمالىس ءۇشىن كەلگەندەر مىندەتتەن تۇردە سوعىپ كەتەدى.
قىتايدا ساعاتىنا 1000 شاقىرىم جۇرەتىن پويىزدىڭ العاشقى سىناعى ءساتتى ءوتتى - «حالىق گازەتى»
قىتايدىڭ شانسي ولكەسىنىڭ داتۋن قالاسىنداعى يانگاو اۋدانىندا جوعارى جىلدامدىقتى كولىكتەردى سىناۋ بازاسىنان العان اقپاراتىنا سايكەس، جاقىندا قىتاي ازىرلەگەن ۋلترا جوعارى جىلدامدىقتى تومەن ۆاكۋۋمدى قۇبىردا ماگليەۆ تاسىمالداۋ جۇيەسىنىڭ تولىق ولشەمدى سىناق جەلىسى (I فازا) تومەن ۆاكۋۋمدى ورتادا جۇيەنى بىرىكتىرۋ دەمونستراتسياسىن جانە تەكسەرۋ سىناعىن ءساتتى اياقتادى.
بۇل جايىندا قىتايدىڭ «حالىق گازەتى» باسىلىمى «Science and Technology Daily» گازەتىنە سىلتەمە جاساپ حابارلادى.
اتالعان العاشقى سىناقتا كۇشتى ناۆيگاتور قولدانىلعان.
«جوعارى جىلدامدىقتى كولىك جوباسىنىڭ قۇرىلىسى 2022 -جىلدىڭ ءساۋىر ايىندا داتۋن قالاسىنىڭ يانگاو اۋدانىندا رەسمي تۇردە باستالدى. جوبا ايەروعارىشتىق تەحنولوگيالار مەن جەر ءۇستى تەمىرجول ترانزيتى تەحنولوگيالارىن بىرىكتىرەدى. ماقسات - ساعاتىنا 1000 شاقىرىم جىلدامدىقپەن جۇرە الاتىن تەمىرجول پويىزدارىنىڭ ۋلترا جوعارى جىلدامدىقتاعى «جەر بەتىندە ۇشۋىنا» قول جەتكىزۋ» ، - دەپ جازادى قىتايلىق ب ا ق.
سونىمەن قاتار وسى اپتادا «حالىق گازەتى» باسىلىمىندا «قىتاي - قازاقستان - وزبەكستان باعدارى بويىنشا جۇكتى جەدەل جەتكىزۋ ۇيىمداستىرىلدى» دەگەن تاقىرىپتاعى اقپارات جارىق كوردى.
قىتايدىڭ «حالىق گازەتى» باسىلىمىنىڭ «rail-news.kz» - كە سىلتەمە جاساپ حابارلاۋىنشا، كونتەينەرلىك پويىز رەكوردتىق 5 كۇندە 4486 شاقىرىمدىق جولدى ءجۇرىپ وتكەن.
اتالعان ب ا ق- تىڭ كەلتىرگەن دەرەگىنە سۇيەنسەك، جۇك قۇرامى شيان قالاسى پورتىنداعى قازاقستان-قىتاي تەرمينالىنان جونەلتىلدى. كونتەينەرلەر KTZE Khorgos Gateway قۇرعاق پورتىندا قايتا تيەلدى جانە ق ت ج جەلىسى بويىنشا سارى اعاش شەكارا ماڭى ستانسياسىنا، ودان ءارى سوڭعى نۇكتە - ورتالىق ازيانىڭ ءىرى كولىك حابى تاشكەنت ستانسياسىنا دەيىن ءجۇرۋدى جالعاستىرعان.
استانادا «وزبەك كينوسىنىڭ كۇندەرى» ءوتىپ جاتىر- « ءو ز ا»
قازاقستاننىڭ باس قالاسى استانا قالاسىندا «وزبەك كينوسىنىڭ كۇندەرى» ءوتىپ جاتىر. ونىڭ اياسىندا كينەماتوگرافيا اگەنتتىگىنىڭ تاپسىرىسى بويىنشا مۋزاففارحان ەركينوۆ تۇسىرگەن «ابدۋللا اريپوۆ» كوركەم فيلمىنىڭ كورسەتىلىمى ءوتتى، دەپ حابارلايدى وزبەكستاندىق «ءو ز ا» اقپاراتتىق اگەنتتىگى.
وزبەكستانادىق ب ا ق- تىڭ دەرەگىنشە، سونداي-اق، وزبەكستان رەسپۋبليكاسى مادەنيەت مينيسترلىگى كينەماتوگرافيا سەكتورىن ۇيلەستىرۋ باسقارماسىنىڭ باس مامانى وتابەك جۋرايەۆ، كينەماتوگرافيانى دامىتۋ ورتالىعىنىڭ ديرەكتورى فۋركات ۋسمانوۆ، كينەماتوگرافيانى دامىتۋ جونىندەگى ورتالىقتىڭ حالىقارالىق بايلانىستار ءبولىمىنىڭ باسشىسى سايرا حۋدويبەرديەۆا، اكتەر جانە رەجيسسەر ساميدحان لۋتفۋللايەۆ پەن ق ر ۇلتتىق كينونى قولداۋ مەملەكەتتىك ورتالىعىنىڭ باسقارما ءتوراعاسى جۇماعالي قۇرمانبەك اراسىندا ىنتىماقتاستىق كەزدەسۋى ءوتتى.
كينەماتوگرافيا اگەنتتىگىنىڭ اقپارات قىزمەتىنىڭ حابارلاۋىنشا، كەزدەسۋ بارىسىندا وزبەكستان مەن قازاقستان كينوگەرلەرىنىڭ بىرلەسىپ ءتۇسىرۋى جوسپارلانعان «ءال-فارابي» كوركەم فيلمى تالقىلانعان.
«سونىمەن قاتار، وزبەكستان دەلەگاتسياسى قازاقستاندىق كينەماتوگرافيستەردى قىركۇيەك ايىندا تاشكەنتتە وتەتىن «جىبەك جولىنىڭ جاۋھارى» XVI تاشكەنت حالىقارالىق كينوفەستيۆالىنە شاقىرىپ، الداعى ۋاقىتتا جان-جاقتى ىنتىماقتاستىق ورناتۋعا ۋاعدالاستى»، - دەلىنگەن حابارلامادا.
التايلىق سۋرەتشى 99 مەترلىك «ءتورت مەزگىل جانە ءجۇز تۇيە» اتتى كارتينا سالدى - «People.cn»
جاقىندا شىڭجاڭنىڭ التاي ايماعىنىڭ سۋرەتشىسى جاو كەي جارتى جىل بويى سالعان قىتايلىق كارتينا - «ءتورت مەزگىل جانە ءجۇز تۇيە» دەپ اتالاتىن ەڭبەگىن جاريالادى، دەپ حابارلادى قىتايدىڭ «حالىق گازەتى».
اتالعان باسىلىمنىڭ دەرگىنشە، «ءتورت مەزگىل ءجۇز تۇيە» سۋرەتى 79 تۋىندىدان تۇرادى. كوكتەمدە، جازدا، كۇزدە جانە قىستا دەپ 4 بولىككە بولىنگەن. سۋرەتتىڭ ءار بولىگىنىڭ ۇزىندىعى شامامەن 20 مەتر بولادى، ال جالپى ۇزىندىعى 99 مەتردى قۇراعان.
«تۋىندى التايدىڭ ءتورت مەزگىلىن فون ەتىپ، ءوندىرىس پەن ومىردەگى تۇيەلەردىڭ كورىنىسىن كورسەتەدى. مىڭعا جۋىق تۇيەنىڭ ءپىشىنى ءارتۇرلى كەسكىندەلگەن. بۇل سۋرەتشىنىڭ جەتىلگەن شەبەرلىگىن جانە تۋعان مەكەنىنە دەگەن تەرەڭ سۇيىسپەنشىلىگىن كورسەتەدى»، - دەپ جازدى قىتايلىق ب ا ق.
قاعىر جازىقتى ورمانعا اينالدىرعان بۇگىنگىنىڭ باتىرى - «جاڭا ءداۋىر»
وسى اپتادا بايان-ولگەيدەن شىعاتىن «جاڭا ءداۋىر» باسىلىمىندا «كەڭ جازىقتى ورمانعا اينالدىرعان بۇگىنگىنىڭ باتىرى - بەكەت سۇراعان ۇلى» دەگەن تاقىرىپتاعى ماقالا جارىق كوردى.
ءبىز وسى جولعى رەپورتاجىمىزدا بايان-ولگەي ايماعىنداعى التانتسوگتس سۇمىنىنان 16 شاقىرىم قاشىقتىقتا سونجيين حودوو دەپ اتالاتىن قاعىر جەردەن 10 گەكتار اۋماقتى جاسىل جەلەكتى ورمانعا اينالدىرعان شارۋاشىلىق يەسى بەكەت سۇراعان ۇلى جانە جۇبايى گۇليا ماقسۇل قىزىنىڭ ەڭبەگى تۋرالى باياندايمىز، دەپ جازادى «جاڭا ءداۋىر».
اتالعان ب ا ق- تىڭ كەلتىرگەن مالىمەتىنە سۇيەنسەك، 2009 -جىلى العاش كومپانيا قۇرىپ، جازىق دالاعا جۇزگە جۋىق شىبىق اكەلىپ ەگەدى. قولمەن ياعني موتوردىڭ كومەگىمەن سول تالداردى سۋارىپ، شىرعاناقتىڭ تۇقىمىن وتىرعىزادى.
العاش وسى جۇمىستى قولعا العاندا كەيبىر ادامدار كەلىپ، مۇنداي تاقىر جەرگە ەگىن قايدان شىقسىن دەيدى. كەلەسى جىلىندا ەگىنىنەن ويداعىداي ءونىم الادى. ءسويتىپ جەردىڭ الىستىعىنا، كۇننىڭ ىستىعى مەن ەڭبەكتىڭ اۋىرلىعىنا قاراماي وسى جۇمىسقا بەل شەشە كىرىسەدى. جىل سايىن اعاش سانىن قوسىپ ەگۋ، كوكتەمدە جەر جىرتۋ، تۇقىم سەبۋ، شىرعاناقتىڭ ەڭ تاڭداۋلى سورتىن اكەلىپ وتىرعىزۋ، بىلەتىن مامانداردان تاجىريبە جيناۋ، اقىل-كەڭەستەر الۋ تاعى باسقاداي كوپتەگەن ىزدەنىستەردىڭ ناتيجەسىندە بۇگىنگى تاڭدا جايقالعان نۋ، ءيت تۇمسىعى وتپەستەي تۇتاسقان ورمان بولعان.
10 گەكتار جەردە قايىڭ تال تەرەك قاتارلى اعاشتار وسۋمەن بىرگە، شىرعاناق، قاراقات، سارىمساق، قىزىلشا، كارتوپ تاعى باسقاداي ءارتۇرلى كوكەنىستەر ەگىلىپ وتىر.
«بەكجاناي» دەپ اتالاتىن كومپانيانىڭ ديرەكتورى بەكەت سۇراعان ۇلى بەرىك ۇستانىمنىڭ ارقاسىندا ەل كۇتپەگەن ناتيجەلەرگە قول جەتكىزگەن. ەكىنىڭ ءبىرىنىڭ قولىنان كەلمەيتىن اۋقىمدى شارۋانى باستاعان ول حوۆد وزەنىنىڭ ارناسىن بۇرىپ، بوگەۋ ساپ، 6 شاقىرىم جەرگە استىنا تاس توسەپ، سەمەنتتەپ ارىق قازىپ، ەگىنىنە سۋ اكەلگەن.
نەگىزىندە بەكەت سۇراعان ۇلىنىڭ ماماندىعى - سپورت مۇعالىمى ەكەن. ايماققا اتى شىققان تۇڭعىش حالىقارالىق بىلعارى قولعاپ شەبەرى بولعان. بۇل كاسىپكە كىرىسۋدە مامانداردىڭ اقىل-كەڭەسىنە، تاجىريبەسىنە سۇيەنگەن.
يراندىق دەرەكتى فيلم حالىقارالىق كينوفەستيۆالدە التىنشى رەت ۇزدىكتەر قاتارىندا - Parstoday
يراننىڭ «دەم» اتتى دەرەكتى فيلمى يتاليا كينوفەستيۆالىنىڭ (Nebrodi Cinema DOC international Festival) فينالىنا شىقتى.
بۇل كينوفەستيۆال الەۋمەتتىك جانە ەكولوگيالىق ماسەلەلەر بويىنشا تاۋەلسىز رەجيسسەرلەردى قولداۋ ماقساتىندا 7-13 -قازان ارالىعىندا وتەدى، دەپ حابارلادى يراننىڭ «Parstoday» اقپارات اگەنتتىگى.
اتالعان اگەنتتىكتىڭ مالىمەتىنشە، بەحزاد رەزايدىڭ رەجيسسەرلىگىمەن تۇسىرىلگەن «دەم» يراندىق دەرەكتى فيلمى التىنشى رەت حالىقارالىق فەستيۆالدە كورسەتىلىپ جاتىر.
اتاپ ايتقاندا، بۇعان دەيىن اتالمىش دەرەكتى فيلم 43- ءشى Paladino d’Oro Sport Film Festival كينوفەستيۆالىنىڭ «وزگە كينو» بولىمىندە ۇزدىك فيلم سىيلىعىن العان. 11- تۇرىك جىبەك جولى فەستيۆالىنىڭ فيناليستى بولدى، يتاليانىڭ نوستالگياسى جانە ا ق ش- تىڭ دۇنيەجۇزىلىك مۋزىكا جانە تاۋەلسىز كينو فەستيۆالى (World Music // Independent Film Festival) مەن ءۇندىستاننىڭ دجايپۋر كينوفەستيۆالىنىڭ ەڭ ۇزدىك دەرەكتى فيلم نوميناتسياسىنا يە بولعان.
ايتا كەتەيىك، يراننىڭ «دەم» اتتى دەرەكتى فيلمى كوروناۆيرۋس ىندەتى كەزىندە ادامداردىڭ جالعىزدىعى جانە ءوزارا بايلانىسىنىڭ جوقتىعىن، ونىڭ الەمنىڭ ءارتۇرلى ەلدەرىندەگى سۋرەتشىلەردىڭ جەكە ومىرىنە، جالعىزدىعىنا جانە شىعارماشىلىعىنا اسەرىن بەينەلەيدى.
اۆتور
بەيسەن سۇلتان