22:27, 09 قازان 2023

پالەستينا مەن يزرايل قاقتىعىسى: قانشا ادام قازا تاپتى

 پالەستينا دەنساۋلىق ساقتاۋ مينيسترلىگى، پالەستينا قىزىل جارتى اي قوعامى مەن يزرايل مەديتسينا قىزمەتىنىڭ دەرەكتەرىن نەگىزگە الا وتىرىپ، جەرگىلىكتى ۋاقىتپەن 14:00 دەگى جاعداي بويىنشا پالەستينا- يزرايل سوعىسىندا قانشا ادام قازا تاپقانى تۋرالى دەرەكتەر جاريالاندى، دەپ حابارلايدى Kazinform اگەنتتىگى Al Jazeera باسىلىمىنا سىلتەمە جاساپ.

Фото: Фото: Midjourney

گازا سەكتورىندا 510 ادام قازا تاۋىپ، 2750 دەن استام تۇرعىن جارالانعان.

يزرايلگە كەلەر بولساق، 800 دەن استام ادام ولتىرىلگەن، جاراقات العاندار سانى 2243 ادامنان اسادى.

سەنبى كۇنى پالەستينالىق حاماس توبى يزرايلگە شابۋىل جاساپ، ەل سوعىس جاعدايىنا كوشكەننەن كەيىن ءبىرقاتار مەملەكەت ازاماتتارىن يزرايلدەن ەۆاكۋاتسيالاۋدى ۇيىمداستىرعانىن ەسكە سالا كەتەيىك.

دۇيسەنبى كۇنى تاڭەرتەڭ يزرايل اسكەرىنىڭ رەسمي وكىلى بارلىق ەلدى مەكەن باقىلاۋعا الىنعانىن جانە يزرايل اۋماعىندا اسكەري ءىس- قيمىل جۇرگىزىلىپ جاتقان جوق دەپ مالىمدەدى. دەگەنمەن يزرايل اۋماعىندا ءالى دە حاماس اسكەرى بولۋى مۇمكىن ەكەنى ايتىلادى.

بۇگىن حاماس تەل- اۆيۆتەگى اۋەجايعا زىمىران ۇشىرعانى بەلگىلى بولدى. سونداي- اق يزرايل قورعانىس ءمينيسترى يواۆ گاللانت گازانىڭ تولىق وقشاۋلانعانىن ءمالىم ەتتى. ول جاقتا جارىق، تاماق جانە وتىن جوق.

الەم
Ризабек Нүсіпбекұлы
«Қазақ тілі мен әдебиеті» мамандығының магистрі. 2009 жылдан бері "ҚазАқпарат" Халықаралық ақпарат агеніттігінде қызмет атқарады. "ҚазАқпарат" Халықаралық ақпарат агенттігін дамытуға қосқан үлесі үшін және еліміздің ақпарат саласына сіңірген еңбегі үшін «Күміс бітікші» медалінің иегері. Халықаралық, Республикалық жыр мүшәйраларының жүлдегері.