عالىمداردىڭ مالىمەتىنشە، ادامداردىڭ TikTok پەن Reels-كە «جابىسىپ» قالۋىنىڭ باستى سەبەبى تاۋەلدى مازاسىزدىق بولىپ وتىر. بۇل - ادامنىڭ ءوزىن بىرەۋدىڭ تاستاپ كەتۋىنەن نەمەسە قوعامنان شەتتەتىلۋدەن قورقۋى.
زەرتتەۋ بارىسىندا تاعى ەكى ماڭىزدى فاكتور انىقتالعان. ءبىرىنشىسى - ءبىر نارسەگە ۇزاق دەن قويا الماۋ، ەكىنشىسى - الەكسيتيميا، ياعني ادامنىڭ ءوز ەموتسيالارىن ءتۇسىنىپ، سيپاتتاي الماۋى.
مامانداردىڭ ايتۋىنشا، بۇل فاكتورلار ءوزارا بايلانىستى. الدىمەن مازاسىزدىق دەڭگەيى ارتادى، سونىڭ سالدارىنان ادام زەيىنىن جوعالتادى. كەيىن ەموتسيالارىن ءتۇسىنۋ قيىنداپ، ناتيجەسىندە ول قىسقا ۆيدەولار ارقىلى ءوزىن تىنىشتاندىرۋعا تىرىسادى.
زەرتتەۋشىلەر مۇنداي مىنەز-قۇلىقتى جاي ادەت ەمەس، پسيحولوگيالىق قورعانىس مەحانيزمى رەتىندە قاراستىرادى.
ساراپشىلاردىڭ پىكىرىنشە، بۇل ماسەلەمەن كۇرەستە تەك ەكران ۋاقىتىن شەكتەۋ جەتكىلىكسىز. ءتيىمدى شەشىم رەتىندە زەيىندى دامىتۋ مەن ەموتسيالاردى تانۋ داعدىلارىن جەتىلدىرۋ ۇسىنىلادى.