الەۋمەتتىك جەلىدە ۇلتارالىق ارازدىقتى قوزدىرعان ايەل ادام ۇستالدى
الماتى. KAZINFORM - الەۋمەتتىك جەلىدە ۇلتارالىق ارانداتۋشىلىق جانە بالاعات سوزدەر ايتقان ايەلدىڭ بەينەجازباسى تارادى.
الماتى قالاسىنىڭ پوليتسيا دەپارتامەنتى بەينەجازباعى ايەلدىڭ ۇستالعانىن مالىمدەدى.
- ءوز سوزىندە ادەپسىز سوزدەردى قولدانىپ، ۇلتارالىق بالاعات سوزدەر اي̆تقان الماتىلىق تۇرعىن ۇستالدى. اتالعان دەرەك بوي̆ىنشا سوتقا دەي̆ىنگى تەرگەۋ امالدارى جۇرگىزىلۋدە. سونىمەن قاتار تەرگەۋ باسقا دا كۇدىكتىلەردىڭ ارەكەتىن زەردەلەۋدە، ولارعا ءتيىستى قۇقىقتىق باعا بەرىلەتىن بولادى، - دەپ حابارلايدى.
سونداي-اق، پوليتسيا دەپارتامەنتى ازاماتتاردى سابىر ساقتاۋعا، ارانداتۋشىلىققا بوي الدىرماۋعا جانە زاڭسىز ارەكەتتەردەن اۋلاق بولۋعا شاقىردى.
ەسكە سالايىق، بۇگىن اقمولا وبلىسىندا ماس كۇيىندە بالاعات سوزدەر ايتىپ، الەۋمەتتىك جەلىدە ۇلتتىق ار-نامىستى قورلاعان تۇرعىن ۇستالعان ەدى.
اۆتور
دوسبول اتاجان