بارسەلونا سوتى بۇرىنعى تەننيسشى جانە الەمنىڭ ەكس-ءبىرىنشى راكەتكاسى ارانچا سانچەس-ۆيكاريونى الاياقتىق ءىسى بويىنشا شارتتى تۇردە ەكى جىلعا باس بوستاندىعىنان ايىردى. بۇل تۋرالى Ua-football.com كاتالونيا جوعارعى سوتىنا سىلتەمە جاساپ جازدى.
ا. سانچەس-ۆيكاريو ليۋكسەمبۋرگ بانكىنە 6,6 ميلليون ەۋرودان استام سومادا وتەماقى تولەگەن جاعدايدا سوت جازاسىنان قۇتىلا الادى.
تەرگەۋ نۇسقاسى بويىنشا تەننيسشى مەن ونىڭ بۇرىنعى كۇيەۋى حوسەپ سانتاكان ليۋكسەمبۋرگ بانكىنە قارىزدى تولەۋدەن جالتارۋ ءۇشىن اكتيۆتەرىن جاسىرعان.
پروكۋراتۋرا ارانچا سانچەس-ۆيكاريونى ءتورت جىلعا تۇرمەگە قاماۋدى سۇراعان.
سانچەس ۆيكاريو جەكە جانە جۇپتىق سىندا الەم رەيتينگىنىڭ ءبىرىنشى ورنىندا بولدى. ول ۇلكەن دۋلىعا تۋرنيرلەرىندە 14 رەت جەڭىسكە جەتكەن، سونداي-اق وليمپيادا ويىندارىندا ەكى كۇمىس جانە ەكى قولا مەدال العان.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан