ءار ادام كۇنىن تۇرلىشە باستايدى. Business Insider باسىلىمى تانىمال ميللياردەرلەردىڭ تاڭعى ادەتتەرى تۋرالى جازدى.مارك تسۋكەربەرگ تاڭعى 8-دە ويانىپ، بىردەن تەلەفونىن قولعا الادى. ول الدىمەن ءوزىنىڭ الەۋمەتتىك جەلىلەرىن تەكسەرەدى. كەيىن ول جەكپە-جەكپەن اينالىسۋعا بارادى، سەبەبى جۇگىرگەن كەزدە ويلانعىسى كەلمەيتىنىن ايتادى.
تيم كۋك تاڭعى 4-5 ارالىعىندا تۇرىپ، ءبىر ساعات بويى كليەنتتەردەن كەلگەن حاتتاردى وقيدى. سودان كەيىن تەلەفونىن قويا تۇرىپ، جاتتىعۋمەن اينالىسادى. تاڭعى اس رەتىندە تەك جۇمىرتقانىڭ اعى مەن بادام ءسۇتىن ىشەدى.
سەم التمان ءۇشىن تاڭعى ۋاقىت ەڭ ءونىمدى كەزەڭ سانالادى. سول سەبەپتى ول تاڭەرتەڭ ەشقانداي كەزدەسۋ جوسپارلامايدى. تاڭعى اس ىشپەيدى، تەك ەسپرەسسو ىشۋمەن شەكتەلەدى.
دجەفف بەزوس تاڭعى ادەتتەرى بويىنشا ەڭ «قاراپايىم» بولىپ شىقتى. ول تاڭەرتەڭ تەلەفون قارامايدى نەمەسە جۇمىس ىستەمەيدى، جاي عانا گازەت وقىپ، كوفە ىشەدى. سونىمەن قاتار، بالالارىمەن تاڭعى اس ىشەدى. ماڭىزدى كەزدەسۋلەرىن تەك ساعات 10-نان باستاپ جوسپارلايدى.
ميللياردەرلەردىڭ ءارقايسىسى تاڭىن وزىنشە باستاسا دا، ولار وزدەرىنە ءتيىمدى جانە جايلى ادەتتەردى قالىپتاستىرعان.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан