الەمنىڭ الىپ شاھارلارىندا ۇيسىزدەر كوبەيدى

استانا. قازاقپارات - الەم حالقىنىڭ %56- ءى قالادا تۇرادى. 2050 -جىلعا قاراي بۇل كورسەتكىش %70- كە ارتۋى مۇمكىن، دەپ حابارلايدى 24kz.

بىرىككەن ۇلتتار ۇيىمى جاساعان بولجامعا سەنسەك، جەر بەتىندە قالا تۇرعىندارىنىڭ سانى الداعى 26 جىلدا 6,3 ميللياردقا جەتەدى. ال عاسىر سوڭىندا بۇل كورسەتكىش تاعى 3 ميللياردقا كوبەيۋى مۇمكىن. ياعني بولاشاقتا حالىقتىڭ �-90- ءى قالادا تۇراتىن بولادى.

بۇل كورسەتكىشكە قاراپ، «قالا ءومىرى سىرتتان قونىس اۋدارۋشىلاردىڭ بارىنە بىردەي جاقسى جاعداي جاساۋعا ءازىر مە؟» دەگەن سۇراق تۋىندايدى.

اۋىلدان قالاعا كوشىپ كەلگەن سوڭ الدىمەن جاتاتىن ورىن مەن جايلى جۇمىس بولۋى كەرەك. ونسىز كۇن كورۋ قيىن. كۇن سايىن الەمدە 180 مىڭداي ادام قالاعا قونىس اۋدارادى. بۇلاردىڭ قاتارىندا ءۇيسىز-كۇيسىز ساندالىپ، لاشىقتا تۇراتىندارى بار. كەيىنگى 50 جىلدا ءىرى قالالارداعى لاشىقتا تۇراتىن تۇرعىن سانى 35 ميلليونعا جەتكەن. اسىرەسە افريكا مەن وڭتۇستىك ازيادا. «بۇل كورسەتكىش كەيىنگى 15-20 جىلدا ەكى ەسە ارتادى» ، - دەپ بولجايدى ساراپشىلار. ويتكەنى قازىر الەمدە ميگرانت سانى ارتىپ بارادى.

ءارى قالا تۇرعىندارىنىڭ قاتارى كوبەيگەن سايىن ينفراقۇرىلىمدى دامىتۋ كەشەۋىلدەي بەرەدى. اسىرەسە دامۋشى ەلدەردە كارىز جۇيەلەرى مەن ساپاسىز جولداردا ولقىلىق كوپ. دۇنيەجۇزىلىك دەنساۋلىق ساقتاۋ ۇيىمىنىڭ دەرەگىنە سۇيەنسەك، قالالاردا ءبىر عانا تاس جولداردىڭ ۇگىتىلۋىنەن جىل سايىن 500 مىڭ ادام كوز جۇمادى. 15 ميلليونعا جۋىعى اۋىر جاراقات الادى.

الەم بويىنشا ۋرباندالۋ ۇدەرىسى قارقىن الدى

بۇگىندە ۋربانيزاتسيا دەڭگەيى ەڭ جوعارى ەلدەر - گونكونگ، سينگاپۋر، كۋۆەيت، موناكو جانە ناۋرۋ. سونداي-اق ۋرباندالۋ كورسەتكىشى بويىنشا قاتار حالقىنىڭ �,2- ءى، بەلگيانىڭ �- ءى، سان- مارينونىڭ �,4- ءى، ۋرۋگۆايدىڭ 95,4- ءى، مالتا حالقىنىڭ �,7- ءى - قالالىق. بۇل تىزىمدە قىتاي `,3 كورسەتكىشپەن 97-ورىندا بولسا، قازاقستان 104-ورىنعا تابان تىرەيدى. ءبىزدىڭ ەلدە حالىقتىڭ W,7- ءى قالادا تۇرادى.

جاپونيا تۇرعىنداردى قالادان اۋىلعا كوشىرىپ جاتىر

اۋىلدا تۇراتىندار ازايىپ بارادى. بۇل رەتتە الەمنىڭ كوپتەگەن ەلى ەندى قالاداعىلاردى اۋىلعا كوشىرۋگە ارەكەت جاساپ جاتىر. ماسەلەن، توكيو - الەمدەگى ەڭ كوپ ادام قونىستانعان قالا. حالىق سانى 37 ميلليوننان اسادى. جاپونيا ۇكىمەتى قازىر اۋىلداردى جانداندىرۋ ماقساتىندا توكيودان كوشۋ ءۇشىن وتباسىنداعى ءار بالاعا 1 ميلليون يەننەن تولەيدى. بۇل ءبىزدىڭ تەڭگەگە شاققاندا 3 ميلليونداي. وسى اقشانى الۋ ءۇشىن ولار جاڭا ۇيلەرىندە كەمىندە بەس جىل تۇرۋى كەرەك، ال وتباسى مۇشەلەرىنىڭ بىرىندە تۇراقتى جۇمىسى نەمەسە بيزنەس باستاۋعا ناقتى جوسپارى بولۋى كەرەك. باعدارلاما 2019 -جىلى باستالعان. ال 2021 -جىلى 2381 ادام قالادان اۋىلعا كوشكەن.

قىتاي سىندى الپاۋىت مەملەكەتتەردە اۋىل حالقىنا «جاسىل بەلدەۋ» دەگەن ارنايى باعدارلاما بار. وندا اۋىلدان كوشىپ كەلگەندەرگە، الىپ شاھاردىڭ ماڭىنداعى ەلدى مەكەندەردەن ءۇي سالىپ بەرەدى جانە شاعىن شارۋاشىلىق پەن ەگىن سالۋعا جەڭىلدەتىلگەن نەسيە بەرەدى. سونداي-اق ا ق ش- تا ارنايى گرانتتار قاراستىرىلعان.