الەمدىك نارىقتا ءبيداي مەن ارپانىڭ باعاسى كۇن سايىن ءوسىپ كەلەدى

استانا. قازاقپارات - 2024-جىلعى ەگىننەن استىقتىڭ ساتىلىمعا شىعۋىنا بايلانىستى باعانىڭ تومەندەۋى كەزەڭى كۇرت وزگەرىسكە ءتۇسىپ، باعا كەرىسىنشە ءوسىپ كەلەدى.

اعىمداعى جىلدىڭ شىلدە ايىندا ەگىن جيناۋ جۇمىستارى باستالعاننان بەرى قارا تەڭىزدەگى رەسەيلىك ءبيدايدىڭ ەكسپورتتىق باعاسى حالىقارالىق استىق كەڭەسىنىڭ مالىمەتى بويىنشا 216 ا ق ش دوللارىنا باعالاندى. بۇل لوگيستيكا قۇنىن ($90/ت) الىپ تاستاعاندا قازاقستاندىق ءبيدايدىڭ تونناسىنىڭ باعاسى 61 مىڭ تەڭگە بولدى دەگەن ءسوز. الايدا قارا تەڭىزدەگى ءبيدايدىڭ باعاسى تونناسىنا 250 دوللارعا دەيىن نەمەسە تەڭگەمەن ەسەپتەگەندە 78 مىڭ تەڭگەگە دەيىن ءوستى.

ەكسپورتتىق باعادان كەيىن رەسەي نارىعىنداعى باعالار قىمباتتادى. قازىرگى ۋاقىتتا ومبى وبلىسىندا # كلەيكوۆيناسى بار 3-سىنىپتى ءبيدايدىڭ باعاسى 14,5 مىڭ رۋبل/ت قۇرايدى. كولىك شىعىندارىن (2 مىڭ رۋبل/توننا)، كىرىس ق ق س تولەۋدى ەسكەرە وتىرىپ، كوكشەتاۋداعى رەسەيلىك ءبيدايدىڭ باعاسى 84 مىڭ تەڭگە/توننانى قۇرايدى.

قازىرگى قازاقستاندىق باعا 74-81 مىڭ تەڭگە/توننا كەزىندە، وتاندىق وندىرۋشىلەر قولايلى باسەكەلەستىك جاعدايعا يە.

ورتالىق ازيا ەلدەرىنىڭ ساتىپ الۋشىلارىنىڭ ۇسىنىسى قازىر رەسەيلىك باعا دەڭگەيىنە نەگىزدەلگەن 65-70 مىڭ تەڭگە/توننا دەڭگەيىندە. بۇل رەتتە، 23% كلەيكوۆيناسى بار ءبيداي ءۇشىن 75 مىڭ تەڭگە/تونناعا دەيىن وسۋگە مۇمكىندىك بار، ويتكەنى بۇل نارىقتار ءۇشىن مۇنداي باعاداعى ءبيدايدىڭ بالاما جەتكىزىلىمى جوق.

وسىعان ۇقساس جاعداي ارپا بويىنشا دا قالىپتاسۋدا: قارا تەڭىزدەگى ەكسپورتتىق ارپانىڭ اعىمداعى باعاسى 206 ا ق ش دوللارىنا دەيىن كوتەرىلدى جانە ودان ءارى ءوسۋ تەندەنتسياسى ساقتالۋدا. بۇل رەتتە قازاقستاندىق ارپا قازىر اقتاۋ پورتىندا 165-168 دوللار/ت. سونداي-اق كەم دەگەندە 175-185 ا ق ش دوللارى/ت دەڭگەيىنە دەيىن وسۋگە مۇمكىندىك بار. بۇل جاعدايدا ارپا باعاسى تونناسىنا 47-50 مىڭ تەڭگە/توننادان كەم دەگەندە 55-60 مىڭ تەڭگەگە دەيىن كوتەرىلەدى.