الەمدىك فۋتبول جۇلدىزدارى 26 - تامىزدا وزبەكستانعا كەلەدى
استانا. KAZINFORM - وزبەكستان فۋتزال فەدەراتسياسى باسپا ءسوز قىزمەتىنىڭ مالىمدەۋىنشە، الەمدىك فۋتبول جۇلدىزدارى وزبەكستانعا كەلەدى، دەپ حابارلايدى Sports.uz.
فەدەراتسيا اقپاراتىندا تومەندەگى فۋتبولشىلاردىڭ كەلەتىنى جاريالانعان:
ديدا - الەم چەمپيونى، ميلان قۇرامىندا UEFА چەمپيوندار ليگاسىنىڭ ەكى دۇركىن جەڭىمپازى.
روبەرتو كارلوس — الەمدەگى ەڭ ۇزدىك سول قانات قورعاۋشىلارىنىڭ ءبىرى، ءوزىنىڭ كۇشتى سوققىلارىمەن تانىمال، الەم چەمپيونى، UEFА چەمپيوندار ليگاسىنىڭ ءۇش دۇركىن جەڭىمپازى.
فابيو كانناۆارو — الەم چەمپيونى، «التىن دوپ» يەگەرى، 2006 -جىلى الەمنىڭ ۇزدىك ويىنشىسى اتانعان جالعىز قورعاۋشى.
ماركو ماتەراتستسي — الەم چەمپيونى، UEFА چەمپيوندار ليگاسىنىڭ جەڭىمپازى.
مايكون — «ينتەردىڭ» ەڭ ۇزدىك قورعاۋشىلارىنىڭ ءبىرى، UEFА چەمپيوندار ليگاسىنىڭ جەڭىمپازى.
كريستيان زاككاردو — 2006 -جىلعى الەم چەمپيونى، يتالياندىق قورعاۋشى.
كلارەنس زەەدورف — «ميلاننىڭ» اڭىزعا اينالعان ويىنشىسى، ءۇش كلۋبتىڭ قۇرامىندا چەمپيوندار ليگاسىندا جەڭىمپاز بولعان جالعىز ويىنشى.
سەردجينو - «ميلاننىڭ» سول قانات قورعاۋشىسى، ناتيجەلى پاس بەرۋىمەن تانىمال.
فرانك ريبەري - «باۆاريانىڭ» اڭىزعا اينالعان جارتىلاي قورعاۋشىسى، UEFА چەمپيوندار ليگاسىنىڭ جەڭىمپازى.
كيەۆين كۋراني — گەرمانيا قۇراماسىنىڭ بۇرىنعى شابۋىلشىسى، «شالكە-04» كلۋبىنىڭ اڭىزعا اينالعان ويىنشىسى.
بۇل جۇلدىزدار 26 - تامىز كۇنى Humo Arena سپورت كەشەنىندە وتەتىن «BMB» مەن «Oil Star» اراسىنداعى فۋتزالدان وزبەكستان سۋپەركۋبوگى-2025 ماتچىنا قاتىسىپ، جانكۇيەرلەرمەن كەزدەسەدى دەپ جوسپارلانعان.
27 -تامىزعا ءبىرقاتار ماتچتار جوسپارلانعان. سونىمەن قاتار وزبەكستان مەن World Football Legends كوماندالارى اراسىندا جولداستىق كەزدەسۋ دە بار. ماتچتىڭ باستالۋ ۋاقىتى مەن ورنى تۋرالى قوسىمشا اقپارات بەرىلەدى.
ەسكە سالا كەتەيىك، وزبەكستاندىق فۋتبولشى حۋسانوۆتىڭ انگليادا قانشا جالاقى الاتىنى بەلگىلى بولدى.