الەمدىك فەدەراتسيا الان قۇرمانعاليەۆتىڭ جەتىستىگىن اتاپ ءوتتى

حالىقارالىق ۇستەل تەننيسى فەدەراتسياسى (ITTF) 2023-جىلدى قورىتىندىلادى، دەپ حابارلايدى Olympic.kz.

الەمدىك ۇيىم كوپتەگەن جارقىن جەڭىستىڭ، ايتۋلى وقيعانىڭ ىشىنەن قاراعاندىلىق الان قۇرمانعاليەۆتىڭ (جاتتىقتىرۋشىسى ەلميرا اليەۆا) جەتىستىگىن ەرەكشە اتاپ ءوتتى.

ول بيىلعى ماۋسىمدا جەكەلەگەن رازريادتا ەڭ كوپ جەڭىسكە جەتكەن (356)، كوپ ماتچ وتكىزگەن (108) جانە جوعارى ۇپاي جيناعان (5035) ويىنشى اتاندى.

ايتا كەتەلىك، الان بيىل تۇڭعىش رەت ەرەسەكتەر اراسىنداعى جازعى ازيا ويىندارىنا دا قاتىسقان بولاتىن.