الەمدىك ب ا ق- تاعى قازاقستان: ورتا ءدالىز، اليۋميني ەكسپورتى جانە تۇركى مەملەكەتتەرىمەن كەلىسىم

بۇل اپتادا قازاقستان الەمدىك ساياسي ارەنادا ءوزىنىڭ ورنىقتى پوزيتسياسى بار ەكەنىن ايشىقتاي الدى. قازاقستان پرەزيدەنتىنىڭ ماقالاسى جاھاندىق باسىلىمداردىڭ نازارىنان تۇسپەدى.

سونداي-اق شەتەلدىك مەديا ەلىمىزدىڭ وزبەكستانمەن ەكسپورتىن، ازەربايجان جانە تۇركيامەن جاسالعان كەلىسىمدەردى، ك ق ك ارقىلى تاسىمالدانىپ جاتقان قازاقستاندىق مۇنايدىڭ كولەمى جونىندە جازدى. تولىعىراق Kazinform ءتىلشىسىنىڭ شولۋىنان وقىڭىز.

Trend: توقايەۆ قازاقستان سەرىكتەستەرىمەن بىرگە ت ح ك ب- نى بەلسەندى دامىتىپ جاتقانىن ايتتى

قازاقستان ارىپتەستەرىمەن بىرلەسىپ ترانسكاسپي حالىقارالىق كولىك باعدارىن (ت ح ك ب، نەمەسە ورتا ءدالىز) بەلسەندى دامىتۋدا. جاڭالىقتى قازاقستان پرەزيدەنتى قاسىم-جومارت توقايەۆتىڭ «ورتالىق ازيا رەنەسسانسى: ورنىقتى دامۋ مەن وركەندەۋ جولى» اتتى ماقالاسىنا سىلتەمە جاساي وتىرىپ ازەربايجان باسىلىمى Trend حابارلادى.

- ورتالىق ازيا ايماعى كۇن وتكەن سايىن جاھاندىق كولىك قاتىناستارىنىڭ باستى تارماعىنا اينالىپ كەلەدى. بۇل رەتتە ەڭ الدىمەن، قىتايدىڭ باستاماسىمەن قولعا الىنعان، بولاشاعىنان زور ءۇمىت كۇتتىرەتىن ء«بىر بەلدەۋ، ءبىر جول» جوباسىن جانە «سولتۇستىك - وڭتۇستىك» حالىقارالىق كولىك ءدالىزىن اتاپ وتۋگە بولادى. بۇل جوبالارعا وڭىردەگى ەلدەردىڭ ءبارى بەلگىلى ءبىر دەڭگەيدە قاتىسىپ جاتىر. قازىر ءبىزدىڭ مەملەكەتتەرىمىز جاڭا كولىك دالىزدەرىن قالىپتاستىرۋعا قاتىستى باسقا دا ماڭىزدى يدەيالاردى جۇزەگە اسىرۋعا كىرىستى. قازاقستان ءوزىنىڭ سەرىكتەستەرىمەن بىرلەسىپ، ترانسكاسپيي حالىقارالىق كولىك باعدارىن (ورتا ءدالىز) بارىنشا دامىتىپ جاتىر. وسى باعىتپەن تاسىمالداناتىن جۇك كولەمى ورتا مەرزىمدە بەس ەسەگە ارتۋى مۇمكىن، - دەپ كەلتىرگەن توقايەۆتىڭ ءسوزىن.

قازاقستان پرەزيدەنتى ءوڭىردىڭ جاھانداعى ماڭىزدى كولىك- لوگيستيكالىق جانە ترانزيتتىك حابتاردىڭ بىرىنە اينالۋعا بارلىق مۇمكىندىكتەرى بار ەكەنىن العا تارتقان.

Daryo: قازاقستاننىڭ وزبەكستانعا اليۋميني ەكسپورتى 10 ەسە ءوستى

اليۋميني ەكسپورتى 2024 -جىلدىڭ العاشقى ءتورت ايىندا 10 ەسەگە ارتىپ، 2100 تونناعا جەتكەن. ماماندار بۇل ءۇردىستى ءوندىرىسى بەلسەندى دامىپ كەلە جاتقان وزبەكستاندا اليۋمينيگە سۇرانىستىڭ وسۋىمەن بايلانىستىرادى. بۇل جونىندە Daryo جازدى.

بىلتىر تاشكەنت ماڭىندا اليۋميني پروفيلدەرىن شىعاراتىن جاڭا زاۋىت اشىلدى. زاۋىت قازىر ءوز ونىمدەرىن الەمنىڭ 50 ەلىنە، سونىڭ ىشىندە قازاقستانعا دا ەكسپورتتاپ جاتىر. زاۋىت ەكى وندىرىستىك جەلىمەن جابدىقتالعان، ولاردىڭ ءارقايسىسى 10 گەكتاردى الىپ جاتىر، ال ونىڭ قۋاتتىلىعى جىلىنا 50 مىڭ توننا دايىن ءونىم شىعارۋعا قاۋقارلى.

زاۋىتتىڭ نەگىزىن قالاۋشى تاحير ءشارىپوۆ قازاقستاننان اليۋمينيي جەتكىزۋ ۇزدىكسىز ءجۇرىپ جاتقانىن، ال كەدەندىك باجداردىڭ جوقتىعى مەن ءتيىمدى گەوگرافيالىق ورنالاسۋى كولىك شىعىندارىن تومەندەتەتىنىن اتاپ ءوتتى. زاۋىت جاقىن ارادا ءوز قۋاتىن ەكى ەسەگە ارتتىرۋدى جوسپارلاۋدا.

وندىرىلەتىن ونىمگە قۇرىلىس ماتەريالدارى، جيھاز، تۇرمىستىق تەحنيكا مەن اۆتوونەركاسىپ بولشەكتەرى كىرەدى. نەگىزگى تاپسىرىس بەرۋشىلەر - وزبەكستاندىق كومپانيالار، ءبىراق زاۋىت شەتەلدىك نارىقتى، سونىڭ ىشىندە ا ق ش پەن ەۋروپا ەلدەرىن بەلسەندى يگەرۋدە.

ءوز كەزەگىندە، زاۋىتتىڭ باقىلاۋ جانە ساپا باسقارماسىنىڭ باسشىسى كامەل ميليەۆ ءوندىرىس ءۇشىن شيكىزات شەتەلدەن، ونىڭ ىشىندە رەسەي مەن قازاقستاننان ساتىپ الىناتىنىن اتاپ ءوتتى.

قازاقستاندىق اليۋمينيدىڭ وزبەكستانعا ەكسپورتىنىڭ قارقىندى ءوسۋى جانە وندىرىستىك قۋاتتاردىڭ دامۋى ەكى مەملەكەت اراسىنداعى تاۋار اينالىمىنىڭ وسۋىنە ىقپال ەتپەك.

Trend: قازاقستان مەن ازەربايجان كيبەرقاۋىپسىزدىك سالاسىندا مەموراندۋم جاساستى

اتالعان ەكى ەلدىڭ وكىلدەرى كيبەرقاۋىپسىزدىك سالاسىنداعى ءوزارا تۇسىنىستىك تۋرالى مەموراندۋمعا قول قويعانىن Trend باسىلىمى حابارلادى.

ازەربايجاننىڭ سيفرلىق دامۋ جانە كولىك مينيسترلىگى جانىنداعى ەلەكتروندىق قاۋىپسىزدىك قىزمەتىنىڭ دەرەكتەرىنە سايكەس، مەموراندۋمعا قازاقستانعا جۇمىس ساپارى اياسىندا قول قويىلعان.

قۇجات اقپاراتتىق قاۋىپسىزدىك جانە كيبەرقاۋىپسىزدىك سالاسىنداعى بىرلەسكەن قىزمەتتى، سونداي- اق تاراپتار اراسىندا دەرەكتەر مەن تاجىريبە الماسۋدى كوزدەيدى. ەلەكتروندىق قاۋىپسىزدىك قىزمەتى ازەربايجان پرەزيدەنتىنىڭ 2023 -جىلعى 28-تامىزداعى جارلىعىمەن بەكىتىلگەن «2023-2027 -جىلدارعا ارنالعان ازەربايجان رەسپۋبليكاسىنىڭ اقپاراتتىق قاۋىپسىزدىك جانە كيبەرقاۋىپسىزدىك ستراتەگياسىنا» سايكەس، باسقا ەلدەردىڭ ۇقساس ۇيىمدارىمەن ىنتىماقتاستىق ورناتۋ بويىنشا جۇمىسىن جالعاستىرىپ جالعاستىرىپ جاتقانىن حابارلادى.

Anadolu: قازاقستان مەن تۇركيا جاساندى ينتەللەكت، عارىش جانە سپۋتنيكتىك تەحنولوگيالار سالاسىنداعى ىنتىماقتاستىقتى كۇشەيتەدى

تۇركيانىڭ ونەركاسىپ جانە تەحنولوگيالار ءمينيسترى مەحمەت فاتيح قاجىر قازاقستاننىڭ سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆپەن كەزدەستى. بۇل جونىندە Anadolu اگەنتتىگى جاريا ەتتى.

اقپاراتقا سايكەس، قازاقستاننىڭ سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆپەن كەزدەسۋدە ماڭىزدى شەشىمدەرگە قول جەتكەن.

- ءبىز تۇركى مەملەكەتتەرى ۇيىمى اياسىندا جانە ەكىجاقتى دەڭگەيدە جاساندى ينتەللەكت، عارىشتىق، سپۋتنيكتىك تەحنولوگيالار، تەحنولوگيالىق كاسىپكەرلىك جانە يننوۆاتسيالار سالاسىنداعى ىنتىماقتاستىقتى تەرەڭدەتۋگە كەلىستىك. وسى تۇرعىدا ءبىز بىرلەسكەن جوبالاردى ىسكە اسىرۋ جانە ءوزارا اقپارات الماسۋ بويىنشا ماڭىزدى شەشىمدەر قابىلدادىق. ەكىجاقتى جانە كوپجاقتى ىنتىماقتاستىعىمىزدىڭ مورالدىق نەگىزىن بولاشاقتا نىعايتاتىن كەلىسىمدەرگە قول قويۋ بويىنشا تولىق كونسەنسۋسقا قول جەتكىزدىك، - دەگەن مەحمەت فاتيح قاجىر.

سونداي- اق مينيسترلەر بۇل ىنتىماقتاستىق ءوڭىردىڭ تەحنولوگيالار مەن يننوۆاتسيالار سالاسىنداعى الەۋەتىن ودان ءارى ارتتىراتىنىنا سەنىم بىلدىرگەن.

اۆتور

باقىتجان سەرىك ۇلى