الەمدىك ب ا ق- تاعى قازاقستان: شىعىس سەگمەنتتى دامىتۋ، تۇركياعا ەكسپورت، اۋىل بالالارىن قولداۋ جانە تاسىمالدىڭ ارتۋى

تامىزدىڭ ورتا تۇسىندا الەمدەگى مەديالار قازاقستاننىڭ ءتۇرلى سالاداعى اياق الىسىن باقىلاپ، جاڭالىق تاراتىپ وتىردى.

ونىڭ ىشىندە اۋقىمدى سولتۇستىك- وڭتۇستىك كولىك ءدالىزىنىڭ شىعىس سەگمەنتىن دامىتۋ مەن تۇركياعا اۋىل شارۋاشىلىعى ونىمدەرىن ەكسپورتتاۋ بار. سونداي-اق پاۆەل دۋروۆتىڭ قازاقستاندىق وقۋشىلارعا گرانت ءبولۋى، ترانسكاسپي حالىقارالىق كولىك باعىتى ارقىلى كونتەينەرلىك جۇك تاسىمالداۋدىڭ وسكەنى دە ءسوز بولدى. تولىعىراق Kazinform ءتىلشىسىنىڭ شولۋىنان وقىپ كورىڭىز.

Trend: قازاقستان مەن تۇرىكمەنستان سولتۇستىك- وڭتۇستىك كولىك ءدالىزىنىڭ شىعىس سەگمەنتىن دامىتۋعا مۇددەلى

بۇل تۋرالى قازاقستان پرەمەر- ءمينيسترىنىڭ ورىنباسارى سەرىك ءجۇمانعاريننىڭ تۇرىكمەنستان مينيسترلەر كابينەتى جانىنداعى كولىك جانە كوممۋنيكاتسيا اگەنتتىگىنىڭ باس ديرەكتورى ماممەتحان شاقىيەۆپەن كەزدەسۋىنىڭ قورىتىندىسىندا ءمالىم بولدى. اقپاراتتى ازەربايجاندىق trend ءبولىستى.

كەزدەسۋگە قاتىسۋشىلار سونداي-اق اۋعانستانداعى تۋرگۋندي- گەرات تەمىر جولىن سالۋ جانە تۋرگۋندي ارقىلى قىتايعا تاۋار تاسىمالىن ۇلعايتۋ ماسەلەسىن تالقىلاعان.

تاراپتار قىتاي- قازاقستان- تۇرىكمەنستان- يران بىرلەسكەن دالىزدەرى مەن سولتۇستىك- وڭتۇستىك باعىتى ءۇشىن باسەكەگە قابىلەتتى تاريفتىك جاعدايلار جاساۋ جونىندەگى وزدەرىنىڭ بىرلەسكەن كۇش- جىگەرىن اتاپ ءوتتى. ەكى ەل پاكىستانعا جانە ودان ءارى ءۇندىستانعا تاۋارلاردىڭ ءترانزيتىن جەڭىلدەتە وتىرىپ، قازاقستان مەن تۇرىكمەنستان ارقىلى وتەتىن ءدالىزدىڭ شىعىس سەگمەنتىن دامىتۋدا بەلسەندى ىنتىماقتاستىق ورناتۋعا مۇددەلى.

2024 -جىلدىڭ شىلدەسىندە قازاقستان، رەسەي، يران جانە تۇرىكمەنستان اراسىندا سولتۇستىك- وڭتۇستىك ءدالىزىن سينحروندى دامىتۋ ءۇشىن جول كارتاسىنا قول قويىلعانى بەلگىلى. سونداي- اق ترانسافگان تەمىر جولىنىڭ باتىس تارماعىن پايدالانۋ تۋرالى شەشىم قابىلداندى.

سولتۇستىك- وڭتۇستىك حالىقارالىق كولىك ءدالىزى - سانكت- پەتەربۋرگتى يران جانە ءۇندىستان پورتتارىمەن قوساتىن ۇزىندىعى 7200 شاقىرىم مۋلتيمودالدىق باعىت. ول ەۋروپانىڭ سۋەتس ارناسى ارقىلى پارسى شىعاناعى مەن ءۇندى مۇحيتى ەلدەرىمەن بايلانىستىراتىن تەڭىز باعدارىنا بالاما.

ءدالىزدىڭ باتىس جانە شىعىس تارماقتارى يراندى كەسىپ وتەدى. باتىس تارماعى رەشت ارقىلى اۆتوموبيل كولىگىن، ال شىعىس تارماعى تەمىر جول كولىگىن پايدالانادى. يرانداعى سوڭعى مەجەلى پۋنكت - باندار-ابباس پورتى. ودان جۇكتەر ءۇندىستانعا تەڭىز جولىمەن جونەلتىلۋى مۇمكىن. باتىس تارماعى ازەربايجان ارقىلى دا وتەدى، ال شىعىس تارماعى قازاقستان مەن تۇرىكمەنستانعا تيەسىلى.

Daryo: قازاقستان تۇركياعا اۋىل شارۋاشىلىعى ونىمدەرىن ەكسپورتتاۋدى ۇلعايتپاق

ق ر اۋىل شارۋاشىلىعى مينيسترلىگى تۇركيامەن اۋىل شارۋاشىلىعى ساۋداسى سالاسىندا ىنتىماقتاستىق ارتىپ كەلە جاتقانىن حابارلادى. بۇل جونىندە Daryo جازدى.

تۇرىكتىڭ جەتەكشى كومپانيالارىنىڭ ءبىرى Armada Gida قازاقستاننان جاسىمىق جەتكىزۋدى ۇلعايتۋعا قىزىعىپ وتىر. قوستانايدان جاسىمىق ساتىپ الۋ تاجىريبەسى بار كومپانيا ەكسپورتتىق پارتيالاردى شوعىرلاندىرۋدى جوسپارلاعان، بۇل قازاقستاندىق فەرمەرلەردىڭ حالىقارالىق نارىقتارعا قولجەتىمدىلىگىن قامتاماسىز ەتەدى.

جوبا قازاقستاننىڭ شاعىن جانە ورتا اۋىل شارۋاشىلىعى وندىرۋشىلەرىنە ءوز ونىمدەرىن ساۋدالاۋدى كەڭەيتۋگە مۇمكىندىك بەرە وتىرىپ، ولاردى قولداۋعا باعىتتالعان.

جاسىمىقتان باسقا قازاقستان تۇركياعا بيداي جەتكىزۋ قارقىنىن وسىرمەك. Tiryaki Holding كومپانياسىمەن 250 مىڭ توننا بيداي جەتكىزۋ تۋرالى مەموراندۋمعا قول قويىلدى. Tiryaki Holding استانادا استىقتى تەرەڭ وڭدەۋ جوباسىن جۇزەگە اسىرۋدا.

سونداي- اق، تۇرىك استىق باسقارماسىنىڭ (TMO) باس ديرەكتورى احمەت گۇلدالمەن كەلىسسوزدەر جۇرگىزىلىپ، ونىڭ بارىسىندا قازاقستاندىق استىقتى تۇركياعا جەتكىزۋ كولەمىن ۇلعايتۋ جانە قازاقستاندا اۋىل شارۋاشىلىعى ونىمدەرىن وڭدەۋگە تۇرىك ينۆەستيتسيالارىن تارتۋ مۇمكىندىكتەرى تالقىلاندى. TMO استىق نارىعىن رەتتەيتىن تۇركيانىڭ نەگىزگى مەملەكەتتىك اگەنتتىگى رەتىندە قازاقستاندىق ەكسپورت ءۇشىن جاڭا پەرسپەكتيۆالاردى اشادى. جىل سايىن TMO ىشكى نارىقتاعى باعانىڭ تۇراقتىلىعىن ساقتاۋ جانە ەلدىڭ ازىق- تۇلىك قاۋىپسىزدىگىن قامتاماسىز ەتۋ ءۇشىن 10 ميلليون تونناعا جۋىق ءداندى داقىل، كوبىنەسە بيداي ساتىپ الادى.

بۇعان دەيىن قازاقستان مەن تۇركيا اراسىنداعى ءوزارا ساۋدا تۇراقتى ءوسىم كورسەتىپ وتىرعانى بەلگىلى: 2023 -جىلدىڭ قورىتىندىسى بويىنشا ونىڭ كولەمى 6 ميلليارد دوللارعا جەتتى. ەندى ەكى ەل بۇل كورسەتكىشتى 10 ميلليارد دوللارعا جەتكىزۋگە ماقسات قويعان.

CentralAsia: پاۆەل دۋروۆ قازاقستان اۋىلدارىنداعى بالالاردى وقىتۋعا 356 مىڭ دوللار ءبولدى

«ۆكونتاكتە» الەۋمەتتىك جەلىسى مەن Telegram مەسسەندجەرىنىڭ نەگىزىن قالاۋشى پاۆەل دۋروۆ گرانتقا ۇمىتكەر قازاقستاندىق وقۋشىلاردى ءوزى ىرىكتەپ الىپ، بەدەلدى IQanat مەكتەبىنىڭ نەگىزىن قالاۋشىسىمەن بايلانىسقان. بۇل جايىندا CentralAsia باسىلىمى حابارلادى.

اقپاراتتا جازىلعانداي، دۋروۆ قازاقستاننىڭ اۋىلدىق جەرلەرىنەن كەلگەن بالالاردى بەدەلدى IQanat مەكتەبىندە وقىتۋ ءۇشىن 356000 دوللار سوماسىنا 12 گرانت بولگەن. ول گرانتقا ۇمىتكەرلەردى ءوزى ىرىكتەپ، مەكتەپتىڭ نەگىزىن قالاۋشى BI Group باسشىسى ايدىن راحىمبايەۆپەن حات جازىسقان.

قازاقستانعا ساپارى كەزىندە دۋروۆ مەكتەپكە بارىپ، وقۋ پروتسەسىن جانە وقۋشىلاردى ىرىكتەۋ كريتەرييلەرىن ەگجەي-تەگجەيلى وقىپ شىعىپتى. شالعاي وڭىرلەردەگى وقۋشىلاردىڭ وقۋ كەزىندە قول جەتكىزگەن ەلەۋلى جەتىستىكتەرىن بىلگەن دۋروۆ جاسوسپىرىمدەردى قولداۋعا بەل بۋدى. باستاپقىدا بىرنەشە بالاعا كومەك كورسەتۋدى جوسپارلاعانىمەن، كەيىن گرانتتار سانىن 12 گە ۇلعايتتى.

- كانديداتتاردى جەكە ءوزى تالداۋعا كىرىسىپ، ولاردىڭ بالدارىن، پاندەرىن جانە ودان دا كوپ قوسىمشا اقپاراتتى سۇراتقاندا مەن تاڭ قالدىم، - دەگەن ايدىن راحىمبايەۆتىڭ ءسوزىن كەلتىردى باسىلىم.

دۋروۆ قازاقستاندىق مەكتەپتەرگە كەزدەيسوق بارعان جوق. ءوزى دە دارىندىلارعا ارنالعان مەكتەپتىڭ تۇلەگى بولا تۇرا، ول وسىنداي مەكەمەلەرگە ەرەكشە قىزىعۋشىلىق تانىتىپ جۇرەدى، ناتيجەسىندە اۋىلداعى بالالاردى قولداۋ تۋرالى ماڭىزدى شەشىمگە كەلگەن.

Report: ورتا دالىزدەگى كونتەينەرلىك تاسىمال 14 ەسە ءوستى

بيىل قاڭتار-شىلدە ايلارىندا ترانسكاسپي حالىقارالىق كولىك باعىتى (ت ح ك ب، ورتا ءدالىز) ارقىلى كونتەينەرلىك جۇك تاسىمالى وتكەن جىلدىڭ وسى كەزەڭىمەن سالىستىرعاندا 14 ەسە ۇلعايعان. جاڭالىقتى «قازاقستان تەمىر جولىنا» سىلتەمە جاساي وتىىرىپ Report حابارلادى.

جالپى، 2024 -جىلدىڭ قاڭتار- شىلدە ايلارىندا ت ح ك ب بويىمەن 2,5 ميلليون توننا جۇك تاسىمالدانعان. قازاقستاننىڭ كولىك مينيسترلىگى بيىل ورتا ءدالىز بويىنشا جىل سوڭىنا دەيىن 4,2 ميلليون توننا جۇك تاسىمالداناتىنىن بولجاپ وتىر.

ورتا ءدالىز دەپ اتالاتىن ترانسكاسپيي حالىقارالىق كولىك باعىتى قىتاي، قازاقستان، كاسپي تەڭىزى اكۆاتورياسى، ازەربايجان، گرۋزيا جانە ودان ءارى تۇركيا مەن ەۋروپا ەلدەرى ارقىلى وتەدى. باكۋ- تبيليسي- كارس تەمىرجول جەلىسى ءدالىزدىڭ ءبىر بولىگى بولىپ سانالادى.

اۆتور

ماديار تولەۋوۆ