الەمدىك ب ا ق-تاعى قازاقستان: پاريج كەلىسىمى، ساۋداداعى باسىمدىق، جاڭا لوكوموتيۆ جانە بالاماسىز ب ۇ ۇ

اپتا بويى الەمدىك باسىلىمدار قازاقستان جايلى كوپ جازدى. قازاقستان- فرانسيا كەلىسىم، پرەزيدەنتتىڭ ب ۇ ۇ تۋرالى مالىمدەمەسى مەن پرەمەر-ءمينيستردىڭ قىتايدا ايتقان ءسوزى مەديانى قىزىقتىرىپتى.

 كەلەر جىلى قابىلداناتىن زاڭدار، ALSTOM جەتكىزەتىن لوكوموتيۆ پەن ساۋدا كولەمى تۋرالى اقپارات تا نازار اۋدارۋعا تۇرارلىق. تولىعىراق Kazinform ءتىلشىسىنىڭ شولۋىنان وقىڭىز.

Report: ورتالىق ازيانىڭ قىتايمەن ساۋدا ۇلەسىنىڭ جارىمى قازاقستاننىڭ ۇلەسىندە

پرەمەر-مينيستر ولجاس بەكتەنوۆ شانحاي قالاسىندا وتكەن China International Import Expo - VII قىتاي حالىقارالىق يمپورت كورمەسىنە قاتىستى. لاۋازىمدى شەنەۋنىك جيىن بارىسىندا قىتايدىڭ ورتالىق ازيا ەلدەرىمەن تاۋار اينالىمىنىڭ جارتىسىنان استامى قازاقستانعا تيەسىلى ەكەنىن جەتكىزگەن. ونىڭ ايتۋىنشا، بۇدان ءارى «جىبەك جولى ەلەكتروندى كوممەرتسياسى» پيلوتتىق ايماعىن قۇرۋ بويىنشا ىنتىماقتاستىقتى نىعايتۋ باستى پەرسپەكتيۆالى قادام بولماق. پرەمەر-ءمينيستردىڭ ءسوزىن Report ءبولىستى.

حالىقارالىق كورمەدە قازاقستان تاراپى قىتايمەن مەملەكەتارالىق كەدەرگىسىز ساۋدا-ساتتىق، ەلەكتروندى كوممەرتسيا، كولىك پەن لوگيستيكانى دامىتۋ، وزىق جي تەحنولوگيالارىن ەنگىزۋ بويىنشا ءوزارا ءىس-قيمىلدى نىعايتۋعا ىنتالى ەكەنىن اڭعارتتى.

«قازاقستاندىق پاۆيلوندار Alibaba جانە JD.com ءىرى ساۋدا پلاتفورمالارىندا تابىستى جۇمىس ىستەپ تۇر، Douyin الاڭىندا پاۆيلون اشۋ، قازاقستاندا سيفرلىق ساۋدا ارنالارى ارقىلى لوگيستيكانى جەڭىلدەتۋ ءۇشىن بوند قويمالارى مەن كەشەندى قويما ينفراقۇرىلىمىن سالۋ بويىنشا جۇمىستار جۇرگىزىلۋدە»، - دەدى ول.

سونداي-اق بەكتەنوۆتىڭ سوزىنشە، قىتايدان ەۋروپاعا جەر ءۇستى تاسىمالىنىڭ � ى قازاقستاننان وتەدى.

«قازىرگى تاڭدا «باتىس ەۋروپا - باتىس قىتاي» حالىقارالىق ترانزيتتىك اۆتودالىزى، ليانيۋنگان پورتىنداعى لوگيستيكالىق ورتالىق، شيان قۇرعاق پورتىنداعى جۇك تەرمينالى، قىتايمەن شەكاراداعى ءۇشىنشى تەمىرجول وتكىزۋ پۋنكتى جانە باسقا دا ءىرى ينفراقۇرىلىمدىق جوبالار ترانسقۇرلىقتىق ەكونوميكالىق دالىزدەر جۇيەسىن جەتىلدىرۋگە، تاۋار اينالىمىن ۇلعايتۋعا جانە ەكى ەل حالقىنىڭ ءال-اۋقاتىن ارتتىرۋعا باعىتتالعان»، - دەدى پرەمەر- مينيستر.

Trend: «توقايەۆتىڭ مالىمدەمەسى تۋرالى تولعام»
تاياۋدا ازەربايجاننىڭ Trend باسىلىمى وڭتۇستىك كاۆكازدى زەرتتەۋ ورتالىعىنىڭ ديرەكتورى فارحاد مامەدوۆتىڭ «ب ۇ ۇ- عا بالاما جوق: پرەزيدەنت توقايەۆتىڭ مالىمدەمەسى تۋرالى وي» اتتى ماقالاسىن جاريالادى. وندا ساراپشى مەملەكەت باسشىسى قاسىم-جومارت توقايەۆتىڭ ءارتۇرلى جيىندا ايتقان ءسوزىن تالداپ، ب ۇ ۇ-عا قاتىستى ۇستانىمىن تالقىلاعان.

«جاقىندا قازان قالاسىندا (رەسەي فەدەراتسياسى - رەد. ) بريكس سامميتى ءوتتى. جيىن تۋرالى كوپ ايتىلعانىمەن، بۇل جولى باۋىرلاس قازاقستان مەن ونىڭ باسشىسىنىڭ بەرىك ۇستانىمىنا نازار اۋدارعىم كەلەدى. ۇيىم سامميتى الدىندا قازاقستاندىق ب ا ق- تا پرەزيدەنتتىڭ باسپا ءسوز حاتشىسى بەرىك ءۋاليدىڭ پىكىرى جاريالاندى. ول ءازىر قازاقستان ۇيىمعا مۇشە بولمايتىنىن ءارى قاسىم-جومارت توقايەۆ ب ۇ ۇ اياسىندا دامۋدى نەگىزگە الاتىنى ايتقان- دى. مەملەكەت باسشىسىنىڭ ءوزى 17- قازان كۇنى وتكەن Astana Think Tank Forum-ىندا ب ۇ ۇ- عا ەرەكشە ءمان بەرۋ ارقىلى ءىستىڭ ورايىن اڭعارتتى»، - دەدى اۆتور.

سونداي- اق ماقالاعا ورتا دەرجاۆالاردىڭ بۇۇ مارتەبەسىن نىعايتۋ جانە مۋلتيلاتەراليزم قاعيداتىن ىلگەرىلەتۋ پروتسەسىندەگى ءرولى جايىنداعى پرەزيدەنت ءسوزى دە قوسىلعان:

«بىرىككەن ۇلتتار ۇيىمىنا كەلەتىن بولساق، مەن ونى نىعايتۋ كەرەك دەگەن سەنىمدەمىن. ويتكەنى ونىڭ ورنىن باساتىن ۇيىم جوق. ب ۇ ۇ- دا كوپتەگەن كەمشىلىك بولعانىمەن، بىزدە باسقا بالاما جوق. سوندىقتان قازاقستان بۇۇ ءرولىن نىعايتۋ بويىنشا وسىنداي ۇستانىمداعى بارلىق ەلمەن ىنتىماقتاسا بەرۋگە نيەتتى. ايماقتىق دەرجاۆالار مەن ورتا دەرجاۆالاردىڭ ءۇنى، ەڭ الدىمەن، قاۋىپسىزدىك كەڭەسىندە ەستىلۋگە ءتيىس. قاۋىپسىزدىك كەڭەسى دە رەفورماعا مۇقتاج. ويتكەنى ول، وكىنىشكە قاراي، تىعىرىققا تىرەلدى»، - دەگەن توقايەۆ ءسوزىن مىسالعا كەلتىرگەن.

اۆتور مەملەكەت باسشىسىنىڭ ۇستانىمى تۋرالى ق ر- نىڭ ازەربايجان رەسپۋبليكاسىنداعى توتەنشە جانە وكىلەتتى ەلشىسى ءالىم بايەلدىڭ پىكىرىن بىلگەن ەكەن. ەلشى پرەزيدەنت ۇستانىمىن قولداپ، مۇنداي كوزقاراس وزگە مەملەكەت باسشىلارىنىڭ پىكىرىمەن ساباقتاس ەكەنىن جەتكىزىپتى.

Anadolu: ALSTOM كومپانياسى 2028 -جىلعا دەيىن قازاقستانعا 117 لوكوموتيۆ اكەلەدى
فرانسيانىڭ ALSTOM كومپانياسى ق ت ج- عا 2028 -جىلعا دەيىن 117 لوكوموتيۆ جەتكىزەدى. ساتىپ الىناتىن ەلەكتروۆوزدار 1980 -جىلعى ۇلگىدەگى ەسكىرگەن ۆ ل-80 لوكوموتيۆتەرىن اۋىستىرادى دەگەن بولجام بار. مالىمەتتى Anadolu اگەنتتىگى جازدى.

«مامىلەنىڭ كەپىلى - فرانسيا قارجى مينيسترلىگىنىڭ BPI France ەكسپورتتىق- كرەديتتىك اگەنتتىگى. فرانسيانىڭ Société Générale بانكى لوكوموتيۆتەردى ساتىپ الۋعا تومەن مولشەرلەمەمەن جەڭىلدەتىلگەن قارجىلاندىرۋ ۇسىنادى»، - دەلىنگەن «قازاقستان تەمىر جولى» ۇلتتىق كومپانياسى» اكسيونەرلىك قوعامى مالىمەتىندە.

سالماعى 9000 تونناعا دەيىن جەتەتىن جۇك پويىزىن تاسىمالداۋعا قابىلەتتى ەلەكتروۆوزدىڭ ەرەكشەلىگى كوپ. لوكوموتيۆتىڭ ارتىقشىلىعى: باعاسى قولايلى؛ ەلەكتر ەنەرگياسىن ۇنەمدەۋگە جول اشادى؛ سەنىمدى ءارى قىزمەت كورسەتۋگە جۇمسالاتىن شىعىن از.

ت ا س س: استانا مەن پاريج 36 قۇجاتقا قول قويدى
قازاقستان مەن فرانسيا ارىپتەستىك تۋرالى 36 قۇجاتقا قول قويدى. ونىڭ ىشىنە جالپى سوماسى 2,2 ميلليارد دوللاردى قۇرايتىن 14 كوممەرتسيالىق كەلىسىم ەنەدى. وعان قوسا ستراتەگيالىق رەسۋرستار مەن مينەرالدار تۋرالى جول كارتاسى، «سامۇرىق- قازىنا» ۇ ءا ق مەن Societe Generale قارجى كونگلومەراتى اراسىنداعى ستراتەگيالىق ىنتىماقتاستىق تۋرالى سەرىكتەستىك كەلىسىم جاسالعان. بۇل تۋرالى رەسەيلىك تاسس اقپارات اگەنتتىگى حابارلادى.

ق ر پرەزيدەنتى قاسىم- جومارت توقايەۆ پەن فرانسيا پرەزيدەنتى ەممانيۋەل ماكروننىڭ كەلىسسوزىنەن كەيىن رەادميسسيا تۋرالى كەلىسىم، مەملەكەتارالىق ينستيتۋتتار اراسىندا ارحەولوگيالىق جۇمىستار تۋرالى حاتتاماعا قول قويىلدى.

توقايەۆ مەملەكەتتىك ساپار بارىسىندا استانادا فرانسيا دامۋ اگەنتتىگىنىڭ (AFD) وكىلدىگى اشىلعانىن دا حابارلادى.

«جاقىندا استانادا فرانسۋز دامۋ اگەنتتىگىنىڭ وكىلدىگى اشىلدى. ءبىز ونىڭ جۇمىسىنا بارىنشا قولعابىس كورسەتۋگە ۋاعدالاستىق. سونداي-اق حالىقارالىق كولىك دالىزدەرىن دامىتۋ ماڭىزدى ەكەنىن اتاپ وتتىك. لوگيستيكا ينفراقۇرىلىمى جانە قايتا وڭدەۋ ونەركاسىبى سەكتورىنداعى بايلانىستى كەڭەيتۋ ماسەلەلەرىن تالقىلادىق»، - دەدى پرەزيدەنت.

اۆتور
ەرسىن شامشادين