الەمدىك ب ا ق-تاعى قازاقستان: اۋعانستانعا كولىك ەكسپورتى، مۇنايعا شەكتەۋ جانە ورتالىق ازياداعى كوشباسشىلىق

ادەتتەگىدەي جاھانداعى اقپارات تاراتۋشى ينتەرنەت-باسىلىمدار ەلدەگى كوپ جايعا ءۇڭىلدى. ولاردىڭ اراسىندا اۋعانستانعا كولىك ساتۋ جوسپارى، بەنزين مەن ديزەل وتىنىنا قويىلعان شەكتەۋ كىرەدى. نەلىكتەن چەحيا ءمينيسترى قازاقستاندى ورتالىق ازياداعى ەڭ الەۋەتتى مەملەكەت ساناعانى، گەرمانياعا مۇناي تاسىمال كەلىسىمىنىڭ ورىندالۋ بارىسى دا ەرەكشە اتالىپتى. تولىعىراق Kazinform ءتىلشىسىنىڭ شولۋىنان وقىڭىز.

Azernews: كازاقستان اۋعانستانعا اۆتوكولىك ەكسپورتتاۋدى جوسپارلاپ وتىر

پرەمەر- ءمينيستردىڭ ورىنباسارى سەرىك ءجۇمانعاريننىڭ ايتۋىنشا، ەكى ەل اراسىندا اۆتوكولىك ەكسپورتىنا قاتىستى جوبا قولعا الىنباق. مۇنداي باستامانى اۋعانستان تاراپى كوتەرىپ، سالاعا قاتىستى كەزدەسۋ مەن شارالار ۇيىمداستىرۋدى سۇراعان. اقپاراتتى Azernews باسىلىمى جاريالادى.

قازاقستان كولىك ەكسپورتىن جۇزەگە اسىرۋعا دايىن. ۆيتسە-پرەمەر العاشقى تاسىمال كەلەر جىلى جۇزەگە اسۋى مۇمكىن دەپ وتىر. قازىر كومپانيالارمەن الدىن الا كەلىسسوزدەر، ىقتيمال ماسەلەلەر پىسىقتالۋدا. ەل بيلىگىنىڭ ۇستانىمىنا سۇيەنسەك، باستاما جۇزەگە اسۋ ءۇشىن الدىمەن ەكى قادام ايقىن بولۋى مىندەت. ولار: اۋعان تاراپىنان سەنىمدى سەرىكتەس تابۋ جانە جەتكىزۋ جولىن ناقتىلاۋ.

22-قازاندا الماتى قالاسىندا وتكەن قازاق- اۋعان بيزنەس فورۋمىندا قوس تاراپ وكىلدەرى تاقىرىپتى قايتا كوتەرگەن.

«كەلەسى جىلدان باستاپ، اۋعانستاندا العاشقى كولىكتەر ساتىلا باستاۋى مۇمكىن. مەن اۋعان تاراپىنان قۇرىلىس پەن مەكەمە ماسەلەسىن شەشۋدى سۇرادىم. وعان قوسا ەكى ەل اراسىندا تولەم الماسۋ ماسەلەسى دە شەشىلدى. كەشەگى فورۋم بارىسىندا كوررەسپوندەتتىك شوت اشۋ تۋرالى كەلىسىمگە كەلدىك. بۇل شوت اۋعانستاننىڭ «گازانفار» بانكى جانە قازاقستاندىق «زامان» بانكى اراسىندا اشىلادى. مۇنى ۇلكەن جەتىستىك ءارى اۋعانستانعا اشىلعان تەرەزە دەپ بىلەمىز. ويتكەنى تولەمدەر تىكەلەي جاسالادى. بۇعان دەيىن ءبىز قىرعىزستان، وزبەكستان ەلدەرىنىڭ بانكتەرى ارقىلى تولەم جاساپ جۇرگەن ەدىك. ەندى بۇل جۇمىستارمەن قازاقستاندىق بانك اينالىسادى»، - دەدى سەرىك جۇمانعارين.

Daryo: چەحيا قازاقستاندى ورتالىق ازياداعى باستى ويىنشى سانايدى

چەح رەسپۋبليكاسىنىڭ سىرتقى ىستەر ءمينيسترى يان ليپاۆسكي جۇمىس ساپارىمەن قازاقستانعا باردى. مينيستر 30 جىلدا جەتكەن كەلىسىمدەردى اتاپ، مەملەكەتارالىق ۇستانىم تۋرالى مالىمدەمە جاساعان. اسىرەسە، «چەحيا قازاقستاندى ورتالىق ازياداعى باستى ويىنشى كورەدى» دەپ اشىپ ايتقان. مينيستر ءسوزىن Daryo تاراتتى.

وتكەن جىل ەكىجاقتى بايلانىس ءۇشىن ايرىقشا جەمىستى بولعان. بۇل جايت قارىم-قاتىناسقا ەلەۋلى وزگەرىس اكەلدى. اتاپ ايتقاندا، تاراپتار قورعانىس ونەركاسىبىندە ىنتىماقتاسۋعا قول جەتكىزىپ، چەحيا L-39NG جانە L-410 سياقتى جاڭا بۋىن ۇشاقتارىن ۇسىنۋدا. سونىمەن قاتار، بيىل قازاقستاننىڭ SCAT اۋە كومپانياسى استانا مەن پراگا اراسىندا تىكەلەي رەيستەردى اشتى. ال ٹkoda Auto قازاقستاندا اۆتوكولىكتەردى قۇراستىرۋ جانە ساتۋدى باستاعان. Dibaq جەرگىلىكتى نارىققا ءۇي جانۋارى مەن جىلقىعا ارنالعان Fitmin جەمىن ەكسپورتۋدا. بۇعان قوسا، Staropramen سىراسى نارىققا ءساتتى شىققانى دا ايتىلدى.

سونىمەن قاتار چەحيا مەملەكەتى قازاقستانمەن كيبەرقاۋىپسىزدىك، نانوتەحنولوگيا جانە اەروعارىشتىق ينجەنەريا سەكىلدى سالادا بىرلەسە ارەكەت ەتۋگە نيەتتى. ەنەرگەتيكا، ينجەنەريا، اۋىل شارۋاشىلىعى، ازاماتتىق اۆياتسيا، جاساندى ينتەللەكت، سونداي-اق جاڭارتىلاتىن ەنەرگيا كوزى مەن مەديتسينالىق قۇرىلعىلار بويىنشا دا جوبا جاساۋعا قارسى ەمەس.

«ماسەلەن، بيىل استانادا وڭتۇستىك چەحيا ۋنيۆەرسيتەتىنىڭ قاتىسۋىمەن چەح- قازاق اكۆامادەنيەت جانە تۇقى بالىعىن ءوسىرۋ عىلىمي ورتالىعى اشىلدى. بۇل ىنتىماقتاستىق بەس جىل بويى جالعاسىپ كەلەدى جانە تۇشى سۋ اكۆامادەنيەتىن دامىتۋ جانە ءارتاراپتاندىرۋ بويىنشا قولدانبالى زەرتتەۋلەرگە باعىتتالعان. ساپارىم بارىسىندا مەن قازاقستان عالىمدارىنا الەمدەگى ەڭ قۋاتتى لازەرلەردىڭ ءبىرى ورنالاسقان، ELI Beamlines لازەرىن زەردەلەۋ جونىندەگى چەحيالىق ءىرى زەرتتەۋ ورتالىعىنىڭ جۇمىسىنا قاتىسۋدى ۇسىنعىم كەلەدى. ورتالىق ءوز ينفراقۇرىلىمى اياسىندا قازاقستاننىڭ زەرتتەۋشىلەرىمەن ىنتىماقتاستىق ورناتۋعا مۇددەلى»، - دەدى يان ليپاۆسكي.

تاسس: 2026 -جىلعا دەيىن مۇناي ونىمدەرىن سىرتقا شىعارۋعا تىيىم سالىنباق

قازاقستان بيلىگى كەيبىر مۇناي ءونىمىن ەۋرازيالىق ەكونوميكالىق وداق اۋماعىنان تىس جەرگە تاسىمالداۋدى شەكتەمەك. مۇناي ءونىمى ەكسپورتىنا تىيىم سالۋ مەرزىمىن تاعى ەكى جىل ۇزارتۋعا قاتىستى قۇجات «اشىق ن ق ا» پورتالىندا جاريالاندى. بۇل جونىندە رەسەيلىك TACC اقپارات اگەنتتىگى جازدى.

قازىر قازاقستاندا اي-92 ماركالى بەنزين مەن ديزەل وتىنىن تۇتىنۋ ارتقان. سونداي-اق جانار- جاعارمايدىڭ زاڭسىز ەكسپورتىنىڭ اي سايىنعى كولەمى 10 مىڭ تونناعا جەتكەنىن بايقاۋعا بولادى. ال قازاقستاندا جانار- جاعارماي باعاسى كورشى ەلدەرمەن سالىستىرعاندا -107 عا تومەن.

بيىل قازاقستانداعى قۇقىق قورعاۋ ورعاندارى جانار- جاعارمايدى شەكارادان زاڭسىز وتكىزبەك بولعان ازاماتتار تۋرالى اقپارات تاراتقان ەدى. بۇعان دەيىن 2023 -جىلى كەي مۇناي ءونىمىن ەلدەن شىعارۋعا تىيىم سالىنىپ، شەكتەۋ 2024 -جىلدىڭ 31-جەلتوقسانىنا دەيىن قولدانىستا بولدى. شەكتەۋ اۆياكەروسين، ديزەل وتىنى، گازويل، تولۋول، بيتۋم سەكىلدى ونىمدەرگە باعىتتالعان. ايتا كەتەيىك، ە ا ە و- عا ارمەنيا، بەلارۋس، قازاقستان، قىرعىزستان جانە رەسەي كىرەدى.

Report: قازاقستان گەرمانياعا 9 اي ىشىندە جىلعا جوسپارلانعان مۇنايدى جەتكىزدى

2024 -جىلى گەرمانياعا «دوستىق» قۇبىرى ارقىلى 1,1 ميلليون توننا قازاقستاندىق مۇناي جەتكىزىلگەن. ق ر ەنەرگەتيكا مينيسترلىگىنىڭ مالىمەتىنشە، قازاقستان بيىل 1,2 ميلليون توننا جەتكىزۋى ءتيىس-تىن. قىركۇيەك ايىندا - 145 مىڭ توننا، قازان ايىندا 133 مىڭ توننا مۇناي جونەلتىپتى. جاڭالىقتى Report باسىلىمى ءبولىستى.

2023 -جىلدان بەرى قازاقستان شيكىزاتتى «ترانسنەفت» ج ا ق ماگيسترالدى مۇناي قۇبىرلارى جۇيەسى ارقىلى ادام مۇناي جەتكىزۋ ورنىنا دەيىن اپاراتىنى بەلگىلى. وتكەن جىلى قاڭتار- قىركۇيەك ايلارىندا 590 مىڭ توننا مۇناي ءوتتى، ال جىل بويى بارلىعى 993 مىڭ توننا مۇناي ەكسپورتتالعان.

قازاقستان پرەزيدەنتى قاسىم-جومارت توقايەۆ مۇناي ەكسپورتىن ۇلعايتۋعا دايىن ەكەنىن ايتسا، ەنەرگەتيكا ءمينيسترى الماسادام ساتقاليەۆ گەرمانيا جىل سايىنعى مۇناي ەكسپورتىن 2,5 ميلليون تونناعا دەيىن ۇلعايتۋدى سۇراعانىن جەتكىزدى.

Trend: ەكىجاقتى كەلىسىمدەرگە قول قويىلدى

قازاقستان مەن وزبەكستان ايماقارالىق ارىپتەستىكتى دامىتۋعا باعىتتالعان 33 كەلىسىمگە قول قويدى. شارا سامارقاندا وتكەن فورۋم اياسىندا جۇزەگە اسقان. بۇل تۋرالى Trend حابارلادى.

كەلىسىم بىرلەسكەن جوبالاردى جۇزەگە اسىرۋعا، دايىن ونىمدەر ساۋداسىن ۇلعايتۋعا كومەك بەرمەك. جيىنعا قازاقستاننىڭ ساۋدا جانە ينتەگراتسيا ءمينيسترى ارمان شاققاليەۆ پەن وزبەكستاننىڭ ينۆەستيتسيا، ونەركاسىپ جانە ساۋدا ءمينيسترى لازيز كۋدراتوۆ جانە 200-گە تارتا كومپانيا وكىلى قاتىسقان.

تاراپتار اۋىل شارۋاشىلىعى، اگروونەركاسىپ سەكتورى، توقىما ونىمدەرى باعىتىنداعى پەرسپەكتيۆالاردى ناقتىلاپ، ءوڭىرارالىق دەڭگەيدە ارىپتەستىكتى جانداندىرۋ ماڭىزىنا توقتالدى. سونىمەن قاتار وزبەكستاننىڭ سىرداريا وبلىسىندا ورنالاسقان «ورتالىق ازيا» حالىقارالىق ورتالىعىنىڭ مۇمكىندىگى دە سارالانىپتى.

ايتا كەتەيىك، سوڭعى جەتى جىلدا مەملەكەتتەر اراسىنداعى تاۋار اينالىمى 2 ميلليارد دوللاردان 4,4 ميلليارد دوللارعا دەيىن ءوستى. قاڭتار- قىركۇيەك ايلارىندا كورسەتكىش 3 ميلليارد دوللاردى قۇراعان. وزبەكستاندا تاماق جانە توقىما ونىمدەرى، قۇرىلىس ماتەريالى سالاسىنداعى 1000-نان اسا كاسىپورىنعا قازاقستاندىق ينۆەستيتسيا تارتىلعان.

اۆتور

ەرسىن شامشادين