الەمدەگى ۇزدىك ۋنيۆەرسيتەتتەر

استانا. قازاقپارات - الەمدە ا ق ش پەن ۇلى بريتانيانىڭ جوعارى وقۋ ورىندارى ەڭ ۇزدىك سانالادى. مۇنى كۆاكۆارەللي سيموندس رەيتينگى ايعاقتاپ وتىر. ماماندار 105 ەلدىڭ ءبىر جارىم مىڭ ءبىلىم بەرۋ وشاعىنداعى جاعدايدى سارالاعان. سونىڭ ىشىندە امەريكالىق، بريتاندىق جانە قىتايدىڭ ۋنيۆەرسەتتەرى ءجيى كەزدەسەدى.

جوعارى ءبىلىم بەرۋ سالاسىنداعى اناليتيكالىق كۆاكۆارەللي سيموندس رەيتينگىن قۇرۋ كەزىندە بۇل مەكەمەلەردىڭ عىلىمي ورتاداعى عانا ەمەس، جۇمىس بەرۋشىلەر اراسىنداعى بەدەلى دە ەسكەرىلگەن. سونىمەن قوسا حالىقارالىق قارىم-قاتىناستارى، الەۋمەتتىك جانە ەكولوگيالىق جاۋاپكەرشىلىگى، وقىتۋشىلار مەن ستۋدەنتتەر سانىنىڭ ارا قاتىناسى، عىلىمي ماقالالاردىڭ ءجيى جاريالانۋى، شەتەلدىك ستۋدەنتتەر مەن مۇعالىمدەر سانى جانە تۇلەكتەرىنىڭ جۇمىستاعى جەتىستىكتەرى دە ەسەپكە الىنادى. ءسويتىپ كۆاكۆارەللي سيموندس رەيتينگى بويىنشا وسىمەن 13 جىل قاتارىنان ماسساچۋسەتس تەحنولوگيالىق ۋنيۆەرسيتەتى ەڭ ۇزدىك دەپ تانىلعان.

العاشقى ۇشتىككە لوندونننىڭ يمپەريالىق كوللەدجى مەن وكسفورد ۋنيۆەرسيتەتى كىردى. سيۋريحتەگى شۆەيتساريانىڭ جوعارى تەحنيكالىق مەكتەبى مەن سينگاپۋر ۇلتتىق ۋنيۆەرسيتەتىنەن باسقا ۇزدىك وندىقتاعى وقۋ ورىندارىنىڭ ءبارى ا ق ش پەن ۇلى بريتانيادا ورنالاسقان.

زەرتتەۋ ناتيجەلەرى كورسەتىپ وتىرعانداي، بريتاندىق ۋنيۆەرسيتەتتەردىڭ جۇمىس بەرۋشىلەر اراسىندا بەدەلى جوعارى. ولار سونداي-اق شەتەلدىك ستۋدەنتتەر سانى جاعىنان دا الدىڭعى قاتاردا. كانادالىق تۇلەكتەر جۇمىسقا ورنالاسۋ بويىنشا جاقسى ناتيجە كورسەتۋدە. ال امەريكالىق مەكەمەلەر ۇستازدار مەن ستۋدەنتتەر سانىنىڭ قاتىناسى بويىنشا ۇزدىك سانالادى. اۆستراليانىڭ وقۋ ورىندارى اكادەميالىق بەدەلى مەن حالىقارالىق زەرتتەۋ جەلىسى جاعىنان ەرەكشەلەنىپ وتىر.

بۇل جولعى رەيتينگكە قاراپ، الەمدە ازيا ۋنيۆەرسيتەتتەرىنىڭ بەدەلى ارتىپ كەلە جاتقانىن كورۋگە بولادى. مىسالى، بەيجىڭ ۋنيۆەرسيتەتى 17-ورىننان 14-كە كوتەرىلگەن. يندونەزيا، پاكىستان مەن تۇركيانىڭ دا رەيتينگتەگى رەتى جامان ەمەس. تىزىمگە قازاقستاننىڭ 21 جوعارى وقۋ ورنى كىرگەن. سولاردىڭ بەسەۋى بىرنەشە ساتىعا كوتەرىلگەن.

24.kz