استانا. قازاقپارات - 33 جاستاعى كانادالىق داللاس پوكورنيك بۇرىن بورتسەرىك بولىپ جۇمىس ىستەگەن، ءبىراق كەيىن جۇمىسىنان بوساتىلعان سوڭ ءوز قۇجاتتارىن جالعانداپ، پيلوت رەتىندە ۇشىپ جۇرگەندەي كورسەتىپ، ءۇش اۋە كومپانياسىنان جۇزدەگەن تەگىن بيلەت العان دەپ ايىپتالدى، دەپ حابارلايدى The Independent.
پروكۋراتۋراسى ونىڭ كەيدە «jump seat» - ۇشقىشتار دەمالىستا بولعاندا وتىرعان قوسىمشا ورىنعا دا وتىرۋعا ءوتىنىش جاساعانىن حابارلادى. سوت قۇجاتتارىندا ول شىنىمەن ۇشاقتىڭ كابيناسىندا وتىردى ما، جوق پا، ناقتى ايتىلماعان.
بۇل سحەما ءتورت جىل بويى جالعاسقان. سوت پوكورنيكتى قاماۋدا ۇستاۋدى مىندەتتەدى، ال ونىڭ قورعاۋشىسى تۇسىنىكتەمە بەرمەدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан