الەمدەگى ەڭ تانىمال تۋريستىك ەلدەر انىقتالدى

استانا. KAZINFORM - ب ۇ ۇ- نىڭ دۇنيەجۇزىلىك تۋريستىك ۇيىمى 2024-جىلى ەڭ تانىمال بولعان ەلدەردىڭ توپ-10 ءتىزىمىن جاريالادى.

عالامدىق تۋريزمنىڭ ەڭ تانىمال باعىتى - فرانسيا، بۇل ەلگە 102 ميلليون ساياحاتشى بارعان. اسىرەسە، پاريج بەن لازۋر جاعالاۋىنىڭ (كوت- د’ازۋر) قالالارى ۇلكەن سۇرانىسقا يە، دەپ جازدى DW.

ەكىنشى ورىندا - يسپانيا، وتكەن جىلى مۇندا 93,8 ميلليون قوناق كەلگەن. سوڭعى كەزدەرى ەل تۇرعىندارى جاپپاي تۋريزمگە قارسى نارازىلىق اكتسيالارىن ءجيى وتكىزىپ ءجۇر.

يسپانيادان كەيىنگى ورىنعا ا ق ش جايعاستى - 72,4 ميلليون تۋريست كەلگەن.

گەرمانيا ەڭ كوپ باراتىن ەلدەر اراسىندا توعىزىنشى ورىن الدى. ب ۇ ۇ مالىمەتىنشە، تۋريستەر بۇل ەلدىڭ قالالارى مەن كورىكتى جەرلەرىنىڭ الۋان تۇرلىلىگىنە قىزىعادى. سونىڭ ىشىندە، كەلن سوبورى مەن نويشۆانشتاين قامالى ەرەكشە تانىمال.

2024 -جىلعى ەڭ تانىمال 10 تۋريستىك ەلدىڭ تولىق ءتىزىمى مىناداي:

فرانسيا

يسپانيا

ا ق ش

تۇركيا

يتاليا

مەكسيكا

قىتاي

ۇلى بريتانيا

گەرمانيا

جاپونيا

ەسكە سالا كەتەيىك، بۇعان دەيىن يسپانيا مەن يتاليانىڭ بىرنەشە قالاسىندا شامادان تىس كوپ تۋريستەرگە قارسى نارازىلىق شارالارى وتكەنىن جازعان ەدىك. ميتينگكە شىققاندار ساياحاتشىلاردىڭ سانىن ازايتۋدى تالاپ ەتكەن بولاتىن.