الەمدەگى ەڭ قاۋىپسىز ەلدەر بەلگىلى بولدى

استانا. قازاقپارات - 2025 -جىلعا ارنالعان الەمدەگى ەڭ قاۋىپسىز ەلدەر رەيتينگىندە بىرىككەن اراب امىرلىكتەرى (ب ا ءا) مەن اندوررا كوش باستاپ تۇر. بۇل تۋرالى ءازارتادج شەتەلدىك بۇقارالىق اقپارات قۇرالدارىنا سىلتەمە جاساپ حابارلادى.

كەلتىرىلگەن مالىمەتتەرگە سايكەس، بيىلعى رەيتينگتە جەتەكشى ورىن العان ەلدەر قۇقىق قورعاۋ جۇيەسىنىڭ مىقتىلىعىمەن، ساياسي تۇراقتىلىقپەن جانە قىلمىس دەڭگەيىنىڭ تومەندىگىمەن ەرەكشەلەنەدى. بۇل فاكتورلار ولاردى حالىقارالىق ينۆەستورلار، شەتەلدە جۇمىس ىستەيتىندەر (ەكسپاتتار) جانە تۋريستەر ءۇشىن ىڭعايلى.

ەڭ قاۋىپسىز 5 ەل (قاۋىپسىزدىك يندەكسى بالمەن) :

ب ا ءا - 85,2

اندوررا - 84,8

كاتار - 84,6

تايۆان - 83

ومان - 81,8

ەڭ قاۋىپتى 5 ەل:

بۇل ەلدەردە ساياسي تۇراقسىزدىق، قۇقىق قورعاۋ جۇيەسىنىڭ السىزدىگى جانە قىلمىستىڭ جوعارى دەڭگەيى بايقالادى:

پاپۋا - جاڭا گۆينەيا - 19,3

ۆەنەسۋەلا - 19,5

گايتي - 19

اۋعانستان - 24,8

وڭتۇستىك افريكا - 25,4

اتالعان ەلدەردىڭ تۇرعىندارى مەن تۋريستەرى ۇرلىق، شابۋىل جانە قارۋلى زورلىق-زومبىلىقتىڭ جوعارى قاۋپىنە ءجيى شاعىمدانادى.

ا ق ش پەن ۇلى بريتانيا:

ا ق ش - 50,8 بال، 91-ورىن

ۇلى بريتانيا - 51,76 بال، 86-ورىن

وسى ەكى ەلدە دامىعان قۇقىقتىق جۇيە مەن قوعامدىق قاۋىپسىزدىككە ارنالعان ۇلكەن بيۋدجەتتىك شىعىندار بولعانىمەن، سوڭعى ءبىر جىلدا قىلمىستىڭ ارتۋى، اسىرەسە ءىرى قالالاردا، حالىقتىڭ پوليتسياعا دەگەن سەنىمىنىڭ تومەندەۋى جانە ا ق ش-تا اتىس قارۋىنا قاتىستى شابۋىلداردان قورقۋ سەبەپتى قاۋىپسىزدىك يندەكسى تومەندەگەن.

Numbeo قاۋىپسىزدىك يندەكسى - بۇل پايدالانۋشىلار ءوز ەلدەرىندەگى قاۋىپسىزدىك دەڭگەيىن قانشالىقتى جايلى سەزىنەتىنىن باعالايتىن كورسەتكىش. يندەكس ءتۇرلى فاكتورلارعا، سونىڭ ىشىندە قىلمىس دەڭگەيى مەن جالپى قاۋىپسىزدىك قابىلداۋىنا نەگىزدەلەدى. بيىلعى رەيتينگكە 146 مەملەكەت ەنگەن.