الەمدەگى ەڭ جايلى قالالار انىقتالدى

AZƏRTAC اگەنتتىگىنىڭ حابارلاۋىنشا، 2025 -جىلى ءومىر سۇرۋگە ەڭ جاقسى قالالار يندەكسى اياسىندا جاسالعان ەڭ باقىتتى قالالار رەيتينگىسىندە كوپەنگاگەن ءبىرىنشى ورىندى يەلەندى. بيىلعى ءتىزىم التى نەگىزگى سانات بويىنشا 82 ءتۇرلى كورسەتكىشتى قامتىدى: ازاماتتىق بەلسەندىلىك، باسقارۋ ساپاسى، قورشاعان ورتا، دەنساۋلىق ساقتاۋ، ەكونوميكا جانە موبيلدىك (كولىك پەن قولجەتىمدىلىك).

ۆەنگريا استاناسى بۋداپەشت 700 ۇپايمەن 110-ورىنعا يە بولىپ، ايماقتاعى ءبىرقاتار قالانى ارتتا قالدىردى. مىسالى، پراگا (153-ورىن)، سوفيا (155-ورىن) جانە ۆارشاۆا (175-ورىن) .

بۋداپەشتپەن قاتار تىزىمگە دەبرەتسەن دە ەندى. بۇل قالا 646 ۇپايمەن 145-ورىندى يەلەندى. ۆەنگرياداعى حالىق سانى بويىنشا ەكىنشى ورىندا تۇرعان بۇل قالا تۇرعىنداردىڭ ءال- اۋقاتىنا تىكەلەي اسەر ەتەتىن كورسەتكىشتەر بويىنشا 160 ۇپاي، ەكولوگيالىق كورسەتكىشتەر بويىنشا 137 ۇپاي جيناپ، جاقسى ناتيجەلەر كورسەتتى.

بيىلعى ۇزدىك وندىققا نەگىزىنەن سولتۇستىك جانە باتىس ەۋروپا مەن ازيا قالالارى ەندى:

1. كوپەنگاگەن (دانيا)

2. سيۋريح (شۆەيتساريا)

3. سينگاپۋر (سينگاپۋر رەسپۋبليكاسى)

4. ورحۋس (دانيا)

5. انتۆەرپەن (بەلگيا)

6. سەۋل (وڭتۇستىك كورەيا)

7. ستوكگولم (شۆەتسيا)

8. تايبەي (تايۆان، ق ح ر)

9. ميۋنحەن (گەرمانيا)

10. روتتەردام (نيدەرلاندى)