استانا. قازاقپارات - ول كوزدىڭ پوزيتسياسى بويىنشا ەڭ جوعارى ۇپايعا يە بولدى. لوندونداعى جەتىلدىرىلگەن كوسمەتيكالىق جانە پلاستيكالىق حيرۋرگيا ورتالىعىنىڭ قىزمەتكەرى، پلاستيكالىق حيرۋرگ دجۋليان دە سيلۆا ءمىنسىز بەت-الپەتكە يە ايەلدى انىقتادى، دەپ حابارلايدى Skifnews.kz اقپارات پورتالى.
The Sun باسىلىمىنىڭ دەرەگىنە سۇيەنسەك، الەمدەگى ەڭ ادەمى ايەل رەتىندە امەريكالىق- بريتاندىق اكتريسا جانە مودەل انيا تەيلور-دجوي تاڭدالعان. مامان «Queen's Move» تەلەحيكاياسى جۇلدىزىنىڭ بەتىن التىن قاتىناس ەرەجەسىمەن سالىستىردى. ونىڭ پروپورتسيالارى 94,66 پايىزعا جەتۋگە جاقىن ەكەنى انىقتالدى.
«ول كوزدىڭ پوزيتسياسى بويىنشا ەڭ جوعارى ۇپايعا يە بولدى - 98,9 پايىز. بۇل يدەالدان نەبارى 1,1 پايىزعا از»، - دەدى ول.
مامان اكتريسانىڭ قاسىنىڭ ورنالاسۋى مەن ءپىشىنى ءۇشىن دە ەڭ جوعارى ۇپاي العانىن ايتتى.
الەمدەگى ەڭ سۇلۋ ايەلدەر رەيتينگىندە ءبىرىنشى ورىن العان تەيلور-دجويدان بولەك پلاستيكالىق حيرۋرگ باسقا دا تانىمال تۇلعالاردىڭ بەت-الپەتىنە تالداۋ جاساعان.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан