استانا. KAZINFORM - الەمدەگى ەڭ باي ادامداردىڭ ۇشتىگىن قازىر تەك امەريكالىقتار باسقارادى. LVMH قوجايىنى بەرنار ارنو Bloomberg Billionaires Index جاريالاعان رەيتينگتە تومەن ءتۇسىپ قالدى. يندەكس اتاپ ايتقاندا كومپانيا اكسيالارىنىڭ قۇنىنا قاراي ەسەپتەلەدى، دەپ جازادى تاسس .
ونىڭ مالىمەتى بويىنشا، X جانە Tesla يەسى يلون ماسك 235 ميلليارد دوللار بايلىعىمەن رەيتينگتىڭ كوشباسشىسى بولىپ قالا بەرەدى. امەريكالىق Amazon ونلاين-رەتەيلەرىنىڭ نەگىزىن قالاۋشى دجەفف بەزوس بۇرىنعىشا ەكىنشى ورىندا، ونىڭ بايلىعى 193 ميلليارد دوللارعا باعالاندى. ءۇشىنشى ورىنعا Meta كورپوراتسياسىنىڭ باسشىسى مارك تسۋكەربەرگ كوتەرىلدى، ونىڭ بايلىعى 188 ميلليارد دوللاردى قۇرادى.
فرانسۋز ارنو 184 ميلليارد دوللار اكتيۆتەرىمەن رەيتينگتە ءتورتىنشى ورىنعا تومەندەدى. وسىلايشا، الەمدەگى ەڭ باي ءۇش ادام ا ق ش ازاماتتارى اتاندى.
Bloomberg 2012 -جىلدىڭ ناۋرىز ايىنان باستاپ پلانەتاداعى ەڭ باي 500 ادامنىڭ بايلىعى تۋرالى اقپاراتتى قامتيتىن Bloomberg Billionaires Index-تى جاريالاپ كەلەدى.
اۆتور
ەركەجان سماعۇلوۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан