الەمدەگى اۋە جۇگىنىڭ 15 پايىزى قازاقستان ارقىلى وتەدى

استانا. قازاقپارات -الەمدە اۋەمەن تاسىمالداناتىن جۇكتىڭ 15 پايىزى قازاقستان ارقىلى وتەدى. بۇگىندە اۋە تاسىمالىنىڭ كولەمى 58 ميلليون تونناعا جاقىندادى. نارىق كۇن سانىپ ءوسىپ كەلەدى. سوندىقتان ەلدە جۇك اۆياكومپانياسى قۇرىلماق.

جالپى، بيىل جارتى جىلدا وتاندىق اۆيكومپانيالار 7 ميلليون 200 مىڭ جولاۋشى تاسىمالدادى. بۇل وتكەن جىلمەن سالىستىرعاندا 6 پايىزعا ارتىق. ىشكى اۆيارەيستەر سانى اپتاسىنا 849-عا جەتىپ وتىر. 61 باعىت اشىلعان. كەيىنگى جىلدارى 20 ۇشىپ- قونۋ جولى، 19 تەرمينال جوندەلدى. تۇركىستاندا جاڭا اۋەجاي سالىندى. ال اۋە پاركى بيىل 16 ۇشاققا كوبەيەدى. ءسويتىپ 2030 -جىلعا دەيىن 221 ۇشاق جەتەدى دەگەن جوسپار بار.

الەمدىك تاجىريبەگە سايكەس باستاپقى كەزەڭدە ءۇش اۋە كەمەسىن جالعا الىپ، كەيىن فلوتتى ون بىرلىككە دەيىن كەڭەيتۋ كوزدەلىپ وتىر. ۇلتتىق جۇك اۆياتاسىمالداۋشىنىڭ العاشقى رەيسىن 2026 -جىلدىڭ باسىندا جۇزەگە اسىرۋ جوسپارلانعان. جوبا ءوزىن اقتاۋى ءۇشىن وتىنمەن قامتاماسىز ەتۋدىڭ كەپىلدەندىرىلگەن كولەمى قاراستىرىلادى. بۇگىندە ءتيىستى جۇمىستار ءجۇرىپ جاتىر.

ترانزيتتىك الەۋەتتى بارىنشا پايدالانۋ كەرەك. بيىل «ورتالىق- باتىس» كولىك ءدالىزىنىڭ قۇرىلىسى قولعا الىندى. ۇزىندىعى 900 شاقىرىم بولاتىن جول استانادان ىرعىزعا بارادى. قۇرىلىس 2029 -جىلى اياقتالۋعا ءتيىس. جوبا اياسىندا 3,5 مىڭنان استام ادام جۇمىسقا تارتىلماق. جالپى، قازاقستان باتىس پەن شىعىستىڭ اراسىنداعى كوپىرگە اينالدى. كەيىنگى بەس جىلدا ترانزيت كولەمى 50 پايىز ءوستى. ال ترانسكاسپي باعىتىنداعى تاسىمال 6 ەسە ۇلعايدى. مۇنىڭ ىشىندە قىتايدان تاسىمالداناتىن جۇكتىڭ ۇلەسى جوعارى. بىلتىر ەۋروپاعا وتكەن جۇك 62 پايىزعا ارتىپ، 4,5 ميلليون تونناعا جەتتى. قازىر وتاندىق تەمىرجول جەلىسىنىڭ مۇمكىندىگى تولىق پايدالانىلىپ وتىر.

ولجاس بەكتەنوۆ – ق ر پرەمەر- ءمينيسترى:

- ءبىز ترانزيتتىك كارتاداعى مۇمكىندىگىمىزدى ۋىستان شىعارماۋىمىز قاجەت. بيىل دوستىق-مويىنتى تەمىرجول ۋچاسكەسىنىڭ ەكىنشى جولىن جانە الماتىنى اينالىپ وتەتىن تەمىرجولدى پايدالانۋعا بەرەمىز. كەلەسى جىلى داربازا- ماقتاارال باعىتىن دامىتامىز. مويىنتى- قىزىلجار جانە باقتى- اياگوز - وسىنىڭ بارلىعى جاقىن ارادا وتكىزۋ قابىلەتىمىزدى 10 ميلليون تونناعا دەيىن ۇلعايتۋعا مۇمكىندىك بەرەدى. بۇل وراسان زور ينۆەستيتسيانى قاجەت ەتەتىن اۋقىمدى جۇمىس. ءبىراق ءبىز جۇزەگە اسىرۋعا دايىنبىز. ويتكەنى قولداعى باسەكەلەستىك ارتىقشىلىقتى جىبەرىپ الماۋىمىز كەرەك.

قىتايعا ەكسپورت ءتىزىمى ۇلعايادى

ءيا، قىتايمەن الىس-بەرىس جىل ساناپ ارتىپ كەلەدى. مۇندا اۋىل شارۋاشىلىعىنىڭ دا ۇلەسى ۇلكەن. ماسەلەن، بىلتىر ەكى ەل اراسىنداعى تاۋار اينالىمى 10 پايىزعا ءوسىپ، 1 ميلليارد 400 ميلليون دوللارعا جەتتى. ال بيىلعى جىلدىڭ بەس ايىنداعى ەكسپورت ءوسىمى 35 پايىزدى مەجەلەدى. ەكسپورت سوماسى 500 ميلليون دوللاردان اسىپ وتىر. نەگىزىنەن مال ازىعى، وسىمدىك مايلارى جانە بيداي ەكسپورتتالادى. ۇكىمەت بۇل ءتىزىمدى كەڭەيتپەك.

ايداربەك ساپاروۆ – ق ر اۋىل شارۋاشىلىعى ءمينيسترى:

- نەگىزگى ماسەلەلەردىڭ ءبىرى - سيىر مەن قوي ەتىن ەكسپورتتاۋعا قاتىستى جاڭارتىلعان حاتتامالارعا قول قويۋ. بيىلعى جىلدىڭ مامىر ايىندا قىتايدىڭ باس كەدەن باسقارماسىمەن ەلدەگى قىزىلشا جومىن وندىرەتىن كاسىپورىندارعا بىرلەسكەن ينسپەكتسيا جۇرگىزۋ، سونداي- اق اقتوبە، قاراعاندى، شىعىس قازاقستان جانە اباي وبلىستارىن تەكسەرۋ ارقىلى قىتايعا بيداي مەن ارپا جونەلتەتىن وڭىرلەر گەوگرافياسىن كەڭەيتۋ تۋرالى كەلىسىمگە قول جەتكىزدىك. ال تامىز ايىندا قۇس فابريكالارىنىڭ قىتاي تالاپتارىنا سايكەستىگىن تەكسەرۋدى ۇسىندىق.

11,8 ميلليون توننا استىق پەن ۇن ەكسپورتتالدى بيىلعى قاڭتار- مامىر ارالىعىندا سىرتقى ساۋدا اينالىمى 53,5 ميلليارد دوللاردان استى. ەكسپورت 30 ميلليارد دوللارعا جۋىقتادى. ونىڭ ىشىندە وڭدەلگەن تاۋار 10 ميلليارد دوللاردان استى. استىق ەكسپورتىنىڭ دا كولەمى ۇلعايدى. 12 ميلليون تونناعا جۋىق استىق پەن ۇن ەكسپورتتالدى. نەگىزگى ساتىپ الۋشىلار - وزبەكستان، تاجىكستان، يران مەن ازەربايجان.

24.kz