استانا. KAZINFORM - البانيادا مەملەكەتتىك ساتىپ الۋلاردى قاداعالايتىن جاساندى ينتەللەكت-مينيستر قىزمەتكە كىرىستى. ول Diella دەپ اتالادى (البان تىلىندە «كۇن» دەگەن ماعىنانى بىلدىرەدى). بۇل تۋرالى ەلدىڭ پرەمەر-ءمينيسترى ەدي راما ءمالىم ەتتى، دەپ حابارلايدى Politico.
رامانىڭ ايتۋىنشا، مەملەكەتتىك تەندەرلەر بويىنشا شەشىمدەر كەزەڭ-كەزەڭىمەن مينيسترلىكتەردەن Diella-نىڭ قۇزىرىنا بەرىلەدى.
«ناتيجەسىندە البانيا مەملەكەتتىك تەندەرلەرى 0 سىبايلاس جەمقورلىقتان ارىلعان ەلگە اينالادى. بارلىق مەملەكەتتىك قاراجات اشىق ءارى تولىقتاي باقىلاۋدا بولادى. بۇل - عىلىمي فانتاستيكا ەمەس»، - دەدى پرەمەر.
جاساندى ينتەللەكت Diella-نى البان حالقى جاقسى تانيدى. ول قازىردىڭ وزىندە ۇلتتىق ەلەكتروندى مەملەكەتتىك قىزمەتتەر
جۇيەسى - e-Albania-نى باسقارىپ وتىر.
جاساندى ينتەللەكتتىڭ اۆاتارىندا ءداستۇرلى البان كيىمىندەگى جاس قىز بەينەلەنگەن.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан