استانا. KAZINFORM - بريتاندىق Rho Motion زەرتتەۋ كومپانياسىنىڭ مالىمەتىنشە، 2025 -جىلدىڭ العاشقى التى ايىندا ەلەكتروموبيلدەردىڭ جاھاندىق ساتىلىمى وتكەن جىلدىڭ سايكەس كەزەڭىمەن سالىستىرعاندا 28 پايىزعا ءوسىپ، 9,1 ميلليون دانانى قۇرادى، دەپ حابارلايدى انادولى.
ماۋسىم ايىندا ەلەكتروموبيلدەردىڭ ساتىلىمى وتكەن جىلدىڭ سايكەس كەزەڭىمەن سالىستىرعاندا 24 پايىزعا ارتىپ، 1,8 ميلليون داناعا جەتكەنى اتاپ ءوتىلدى.
بۇل تۇرعىدا قىتاي ءسوزسىز كوشباسشى. دۇنيە جۇزىندە ساتىلعان كولىكتەردىڭ 5,5 ميلليونى قىتايعا تيەسىلى.
ەۋروپادا 2025 -جىلدىڭ قاڭتار- ماۋسىم ايلارىندا ەلەكتروموبيلدەردىڭ ساتىلىمى %26 عا ءوسىپ، 2 ميلليون دانا بولدى.
سولتۇستىك امەريكادا (ا ق ش، كانادا، مەكسيكا) سوڭعى التى ايدا ساتىلىم %3 عا تومەندەپ، تەك 900 مىڭ ەلەكتروموبيل ساتىلدى.
قالعان ەلدەردە ساتۋ كولەمى %40 عا ءوسىپ، 700 مىڭ ەلەكتروموبيل ساتىلدى.
ەسكە سالا كەتەيىك، شۆەتسيا ەلەكتروموبيلدەردى قوزعالىس كەزىندە قۋاتتاۋعا بولاتىن جولدار سالادى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан