الماتىنىڭ مەترو بەكەتتەرىندە بيىل 70-تەن استام قاۋىپتى زاتتار تابىلدى

الماتى. KAZINFORM - الماتىنىڭ مەتروسىنىڭ 11 بەكەتىندە جىل باسىنان بەرى 70-تەن استام پىشاق، كاستەت جانە باسقا دا قاۋىپتى زاتتار تاركىلەنگەن. بۇل تۋرالى الماتى قالاسىنىڭ پوليتسيا دەپارتامەنتى حابارلادى.

مەتروپوليتەندەگى پوليتسيا باسقارماسىنىڭ باستىعى نۇرجان تاڭاتاروۆتىڭ ايتۋىنشا، مەتروپوليتەننىڭ قاۋىپسىزدىگىن قامتاماسىز ەتۋ ءۇشىن ءار بەكەتتە پوليتسيا پۋنكتتەرى ورنالاسقان.

- ءار بەكەتتە پوليتسيا پۋنكتتەرى ورنالاسقان، وندا قىزمەتكەرلەر تاۋلىك بويى قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتەدى. پوليتسيا پۋنكتتەرىندە كەزەكشى نارياد، سەنىپ تاپسىرىلعان اۋماقتى ارالاپ، باقىلايدى. سونداي-اق كۇندەلىكتى جاساق قۇرامىنا قىزمەتتىك- ىزدەستىرۋ يتتەرى بار پوليتسيا كينولوگتارى كىرەدى. ولار جارىلعىش زاتتار مەن جارىلعىش قۇرىلعىلاردى انىقتاۋ ءۇشىن ەلەكتر پويىزدارىن، مەترو ستانتسيالارىنىڭ قىزمەتتىك عيماراتتارىن جانە قويمالاردى تەكسەرەدى، - دەدى نۇرجان تاڭاتاروۆ.

سونىمەن قاتار ونىڭ ايتۋىنشا، بيىل الماتى مەتروسىندا 70-تەن استام پىشاق، كاستەت جانە باسقا دا قارۋلار تاركىلەنىپ، ەسىرتكىنى ساقتاۋدىڭ 13 دەرەگىنىڭ جولى كەسىلگەن.

ەسكە سالايىق، بۇعان دەيىن الماتى مەتروپوليتەنى ساۋدا نۇكتەسىن جالعا الۋشىلاردى زاڭسىز سالىق تولەۋگە ماجبۇرلەگەنىن جازعان ەدىك.

اۆتور

دوسبول اتاجان