«الاتاۋ جارىق كومپانياسى» ا ق قالا مەن وبلىس اۋماعىنداعى ەلەكتر جەلىلەرىندە جۇرگىزىلەتىن جۇمىستاردىڭ اپتالىق كەستەسىن جاريالادى.
كومپانيانىڭ حابارلاۋىنشا، كەيبىر ۋچاسكەدە جارىق از ۋاقىتقا ءوشۋى مۇمكىن، ءبىراق بۇل سول اۋماقتاعى بارلىق ۇيگە بىردەي قاتىستى بولمايدى.
- بۇل جۇمىستار ەلەكتر جەلىسىنىڭ تۇراقتى ءارى ساپالى جۇمىس ىستەۋى ءۇشىن جۇرگىزىلەدى. جارىق تەك باسقا قورەك كوزىنە قوسۋ مۇمكىن بولماعان ەرەكشە جاعدايدا عانا جانە از ۋاقىتقا وشىرىلەدى، - دەپ ءتۇسىندىردى كومپانيا وكىلدەرى.
جوسپارلى جۇمىستارعا سىمداردى بوگدە زاتتاردان تازارتۋ، جابدىقتاردى جارتىلاي اۋىستىرۋ جانە باسقا دا تەحنيكالىق قىزمەت كورسەتۋ شارالارى كىرەدى. ادەتتە مۇنداي جۇمىستار 1,5-2 ساعاتتان اسپايدى.
ءوشىرۋ ۋاقىتى مەن كۇنى كورسەتىلگەن كوشەلەردىڭ تولىق ءتىزىمىن مىنا سىلتەمەدەن كورۋگە بولادى.