الماتى. KAZINFORM - بۇگىن شامامەن 16:26 دا الماتى تۇرعىندارىنىڭ تەلەفوندارىنا جەر سىلكىنىسى تۋرالى توتەنشە حابارلاما ءتۇستى. الايدا قالادا جەر ءدۇمپۋى سەزىلگەن جوق.
- نازار اۋدارىڭىز! جەر سىلكىنىسى! قاۋىپسىز جەرلەردى پانالاڭىز. دۇمپۋلەر اياقتالعاننان كەيىن عيماراتتان قاۋىپسىز قاشىقتىققا ەۆاكۋاتسيالاڭىز!
ۋاكىلەتتى ورگانداردىڭ نۇسقاۋلارىن مۇقيات قاداعالاڭىز. قوسىمشا اقپاراتتار توتەنشە جاعدايلار دەپارتامەنتى مەن الماتى قالاسى اكىمدىگىنىڭ سايتتارى مەن الەۋمەتتىك جەلىلەرىندە، - دەلىنگەن حابارلامادا.
Фото: видеодан алынған скрин
اتالعان حابارلاما قالا تۇرعىندارى اراسىندا ۇرەي تۋعىزدى.
ال، قالالىق ت ج د وكىلدەرى تۇرعىنداردى سابىر ساقتاۋعا شاقىرىپ، سەيسمولوگتاردان ەشقانداي دەرەك تۇسپەگەنىن اتاپ ءوتتى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.