الماتىلىق دارىگەرلەر ۋفادان كەلگەن جىگىتتىڭ ءومىرىن ساقتاپ قالدى

استانا. قازاقپارات - رەسەيلىك ازامات باسسەينگە سۇڭگۋ كەزىندە ومىرتقاسىن سىندىرعان، دەپ حابارلايدى الماتىداعى BAQ. KZ ءتىلشىسى.ناۋقاس ورتالىق قالالىق كلينيكالىق اۋرۋحاناعا جەدەل جاردەممەن جەتكىزىلگەن. الماتى قالالىق دەنساۋلىق ساقتاۋ باسقارماسىنىڭ مالىمەتىنشە، دياگنوز وتە كۇردەلى بولعان.

بۇل ارالاسۋ جۇلىننىڭ قىسىلۋىن جانە لەزدە ولىمگە اكەلۋى مۇمكىن اسقىنۋدىڭ الدىن الۋعا كومەكتەسەدى. وتا ءساتتى ءوتتى جانە ناۋقاسقا ۇزاق ۋاقىت بويى كورسەت كيۋدىڭ قاجەتى جوق. ءبىر ايدان كەيىن ول ءوزىنىڭ قالىپتى ءومىرى مەن جۇمىسىنا ورالا الادى، - دەيدى نەيروحيرۋرگيا بولىمشەسىنىڭ مەڭگەرۋشىسى مارات الماتوۆ.

ەگەر ۋاقتىلى جانە كاسىبي مەديتسينالىق ارالاسۋ بولماسا، سۇيەك سىنىقتارىن بىرىكتىرۋ پروتسەسى سۇيەك ءتىنىنىڭ باياۋ قالپىنا كەلۋىنە بايلانىستى ءبىر جارىم جىلعا سوزىلۋى مۇمكىن ەدى. سىنىقتاردىڭ ىعىسۋى ولىمگە اكەلۋى مۇمكىن.

ءوز كەزەگىندە جاس جىگىت دارىگەرلەرگە كاسىبيلىگى ءۇشىن العىسىن ءبىلدىردى.

مەن قازاقستانعا ىسساپارمەن كەلدىم. دەمالىس كۇندەرى دوستارىممەن بىرگە باسسەينگە باردىق. ءساتسىز سەكىرىپ، باسىم باسسەيننىڭ تۇبىنە ءتيدى. جەدەل جاردەم مەنى تەز-اق ءوز ءىسىنىڭ ماماندارىنا جەتكىزدى. تۋىستارىم دۋبايعا ارنايى بورتقا تاپسىرىس بەرىپ، حالىقارالىق ساقتاندىرۋدى قوسقىسى كەلدى، ءبىراق تۇراقسىز سىنۋ قاۋپىنە بايلانىستى دارىگەرلەر وتانى وسى جەردە جاساۋ كەرەك دەپ شەشتى. مەن وسى اۋرۋحانانىڭ دارىگەرلەرىنىڭ قولىندا بولعانىما قۋانىشتىمىن. ولاردىڭ كاسىبيلىگى ءۇشىن كوپ راحمەت. قازىر مەن وڭالتۋدان ءوتىپ جاتىرمىن، مەندە ءبارى جاقسى، - دەيدى ناۋقاس.