الماتىداعى نوسەر جاۋىن: 2 جۇك كولىگى جول جيەگىنە شىعىپ قالدى
22:20, 16 - شىلدە 2024
قونايەۆ. KAZINFORM - الماتى وبلىسىنىڭ كەگەن اۋدانىندا نوسەر جاڭبىر جاۋىپ، جولعا سۋ جينالىپ قالدى.
ءوڭىر اكىمدىگىنىڭ مالىمەتىنشە، 16-شىلدە ساعات 15:58-دە كەگەن اۋدانى اقساي اۋىلىنىڭ ماڭىنداعى تاۋلى ايماقتا نوسەر جاڭبىر جاۋدى. اعىن سۋدىڭ كوپتىگىنەن 2 جۇك كولىگى جول جيەگىنە شىعىپ كەتتى.
جولدى تازالاۋ جۇمىستارىنا كەگەن، ەڭبەكشى قازاق جانە ۇيعىر اۋداندارىنىڭ ارنايى تەحنيكالارى جۇمىلدىرىلدى.
«وقيعا ورنىنا ت ج د 17 قىزمەتكەرى مەن 10 تەحنيكا جەدەل تۇردە جۇمىلدىرىلدى. ساعات 17:00-دە جاڭبىر توقتاپ، سۋ دەڭگەيى ءتۇستى. قازاۆتوجول جولدى تازارتۋ جۇمىستارىن جۇرگىزىپ جاتىر. اۆتوكولىك قوزعالىسى شتاتتىق رەجيمدە جۇمىس ىستەپ تۇر»، - دەپ حابارلادى وبلىستىق اكىمدىكتەن.
زارداپ شەككەندەر جوق.
اۆتور
الما مۇقانوۆا