الماتىداعى مۇز ايدىنىنا كەلۋشىلەر ەليزابەت تۇرسىنبايەۆانىڭ شەبەرلىگىنە ءتانتى بولدى

استانا. KAZINFORM - تانىمال قازاقستاندىق مانەرلەپ سىرعاناۋشى ەليزابەت تۇرسىنبايەۆا Instagram جەلىسىنە الماتىداعى مەدەۋ مۇز ايدىنىندا تۇسىرىلگەن Reels-تى جاريالادى، دەپ حابارلايدى Sports.kz.

«كەيدە مەن جاپ-جاقسى كونكي تەبە الاتىنىمدى ۇمىتىپ كەتەمىن»، - دەپ جازدى سپورتشى ۆيدەو استىنا.

ەليزابەت - ەرەسەكتەر اراسىنداعى رەسمي جارىستاردا ءتورت قارعىپ سەكىرۋدى (سالحوۆ) ورىنداعان تاريحتاعى العاشقى مانەرلەپ سىرعاناۋشى.

ول 2019 -جىلعى الەم چەمپيوناتىنىڭ كۇمىس جۇلدەگەرى، 2019 -جىلعى ءتورت قۇرلىق چەمپيوناتىنىڭ كۇمىس جۇلدەگەرى، 2019 -جىلعى قىسقى ۋنيۆەرسيادانىڭ كۇمىس جۇلدەگەرى، جاسوسپىرىمدەر اراسىنداعى 2-شى قىسقى وليمپيادا ويىندارىنىڭ قولا جۇلدەگەرى (2016)، قازاقستاننىڭ ءتورت دۇركىن چەمپيونى، 2017 -جىلعى قىسقى ازيا ويىندارىنىڭ قولا جۇلدەگەرى.