الماتىداعى كوشەلەردىڭ ءبىرى جاز بويىنا جابىلادى
08:38, 20 - مامىر 2025
الماتى. KAZINFORM - الماتىدا عابدۋللين، حاميت ەرعالي جاعالاۋى، بۇقار جىراۋ جەلەكجولى جانە بايتۇرسىنوۆ كوشەلەرىنىڭ ارالىعىندا قۇبىرجولدى جاڭعىرتۋ جۇمىستارى ءجۇرىپ جاتىر.
«الماتى جىلۋ جۇيەسى» ج ش س مالىمەتىنە سايكەس، قۇرىلىس- مونتاجداۋ جۇمىستارىن جۇرگىزۋ كەزىندە قاۋىپسىزدىكتى قامتاماسىز ەتۋ ءۇشىن 20 -مامىردان باستاپ 1 -تامىزعا دەيىن ريمسكي- كورساكوۆ كوشەسىندە جانە عابدۋللين كوشەسىنىڭ ءبىر بولىگىندە اۆتوكولىكتەر قوزعالىسى جابىلادى.
جالپى ۇزاقتىعى 2,7 ك م بولاتىن جىلۋ تراسساسى 220 دان استام قالا وبەكتىلەرىن جىلۋمەن قامتاماسىز ەتىپ وتىر. جازعى كەزەڭدە بوستاندىق اۋدانىنىڭ تۇرعىندارىنا ىستىق سۋ بەرۋ ۋاقىتشا قۇبىرجول ارقىلى قامتاماسىز ەتىلەدى.
ەسكە سالايىق، المالى جانە بوستاندىق اۋداندارىندا 20- مامىر كۇنى سۋ ۋاقىتشا وشىرىلەدى.