الماتىداعى ءمايىت ورتەيتىن كرەماتوري نەلىكتەن ءالى اشىلماي تۇر

الماتى. KAZINFORM - قۇرىلىسى 2021 -جىلى اياقتالعان كرەماتوري نەلىكتەن اشىلماي تۇر. Kazinform ءتىلشىسى ءمان-جايىن انىقتادى.

الماتى اكىمدىگى 2020 -جىلى كرەماتوريدىڭ جوبالىق-سمەتالىق قۇجاتتاماسىن جاساۋعا تەندەر جاريالادى.

عيماراتتىڭ قۇرىلىسى 2021 -جىلى اياقتالدى. الايدا نىساننىڭ اشىلۋ 2022 -جىلعا، سوسىن 2023 -جىلدىڭ ءبىرىنشى توقسانىنا، ودان كەيىن 2023 -جىلدىڭ ەكىنشى توقسانىنا شەگەرىلدى.

بىلتىر الماتى اكىمدىگى كرەماتوري قۇرىلىسىن جۇرگىزگەن مەردىگەردى سوتقا بەردى. سوت شەشىمىمەن «تارازكۇرىلىسينۆەست» ج ش س مەملەكەتتىك ساتىپ الۋدىڭ جاۋاپسىز قاتىسۋشىسى دەپ تانىلىپ، جەرگىلىكتى بيۋدجەتكە 2775414,62 تەڭگە قايتارىلدى.

اگەنتتىك ساۋالىنا جاۋاپ بەرگەن الماتى قالاسىنىڭ قۇرىلىس باسقارماسى نىسان بۇگىنگى كۇنى باسقارما تەڭگەرىمىندە ەكەنىن حابارلادى. رەسمي جاۋاپقا سايكەس، قازىرگى ۋاقىتتا «تارازقۇرىلىسينۆەست» ج ش س كرەماتوريدىڭ ينجەنەرلىك جەلىلەرىن سالۋ بويىنشا قۇرىلىس-مونتاجداۋ جۇمىستارىن تولىق كولەمدە اياقتاعان جانە وبەكتىنى پايدالانۋعا بەرۋ اكتىسىنە قول قويىلعان.

- ساۋلەت جانە ادىلەت ورگاندارىندا تىركەۋ 2024 -جىلدىڭ ءۇشىنشى توقسانىندا وتكىزىلدى. قازىرگى ۋاقىتتا الماتى قالاسىنىڭ اكىمدىگى قازاقستان رەسپۋبليكاسىنىڭ ادىلەت مينيسترلىگى مەن دەنساۋلىق ساقتاۋ مينيسترلىگىنە وسى وبەكتىنىڭ تۇپكىلىكتى تەڭگەرىم ۇستاۋشىسىن ايقىنداۋ قاجەتتىگى تۋرالى حات جولدادى، - دەلىنگەن باسقارما جاۋابىندا.

ەسكە سالايىق، بۇعان دەيىن قازاقستانعا كرەماتوري قۇرىلىسى نە ءۇشىن قاجەت ەكەنىن ادىلەت مينيسترلىگى تۇسىندىرگەن ەدى.

اۆتور

دوسبول اتاجان