الماتىداعى جەر سىلكىنىسىنە بايلانىستى ت ج د مالىمدەمە جاسادى

الماتى. KAZINFORM - الماتى قالالىق ت ج د باسشىسى نۇرلان اتىعايەۆ قالا تۇرعىندارى مەن قوناقتارىن سابىرعا شاقىردى.

«الماتى قالاسىنىڭ اۋماعىندا جەر سىلكىنىسى بولدى. پانيكاعا بوي الدىرماڭىز. ءبىرىنشى تەربەلىس اياقتالعاننان كەيىن، عيماراتتان شىعىڭىز. جاقىن ورنالاسقان حالىقتى قابىلداۋ پۋنكتتەرىنە بارىڭىز. تەك رەسمي كوزدەردەن الىنعان اقپاراتقا سەنىڭىز. سيرەنا سيگنالىن ەستىگەننەن كەيىن، قۇلاقتاندىرۋ قۇرالدارىن قوسىڭىز. جاعداي ناقتىلانعان سوڭ، قوسىمشا اقپارات بەرىلەدى»، - دەدى نۇرلان اتىعايەۆ.

ايتا كەتسەك، بۇگىن الماتىدا 5 بالدىق جەر سىلكىنىسى بولدى. قالادا سيرەنا-دىبىستىق سيگنال ىسكە قوسىلدى. سەيسميكالىق ستانسيالار جەلىسى 2024 -جىلعى 4-ناۋرىزدا الماتى ۋاقىتىمەن 11 ساعات 22 مين 05 سەكۋندتا جەر سىلكىنىسىن تىركەدى.

جەر سىلكىنىسىنىڭ ەپيسەنترى قازاقستان اۋماعىندا الماتى قالاسىنان وڭتۇستىككە قاراي 31 ك م جەردە ورنالاسقان. جەر سىلكىنىسىنىڭ ەنەرگەتيكالىق كلاسى - 13.2. MPV ماگنيتۋداسى - 6.1. ەپيسەنتردىڭ كوورديناتتارى 42.93° س. ە. 76.96° ش. ب. تەرەڭدىگى 10 ك م.

اۆتور
الما مۇقانوۆا