الماتىداعى جەكپە- جەك: قىتايدان كەلگەن قانداسىمىز قارسىلاسىن ءبىرىنشى راۋندتا جەڭدى

استانا. KAZINFORM - بۇگىن الاتاۋ بوكتەرىندەگى «الماتى ارەنا» سپورت كەشەنىندە ارالاس جەكپە- جەكتەن NAIZA 57 تۋرنيرىندە قىتايدان كەلگەن قانداسىمىز قارسىلاسىن 1-راۋندتا جەڭدى.

اتاپ ايتساق، اتالعان تۋرنيرگە قىتايدان كەلگەن قانداسىمىز تايلاق نۇراجى (8-1) مەن قازاقستان اتىنان سىنعا ءتۇسىپ جۇرگەن برازيليالىق فايتەر دۋگلاس دە وليۆەيرا (14-7) ءوزارا كىم مىقتىنى انىقتاعان بولاتىن.

ناتيجەسىندە ءۇش راۋندقا جوسپارلانعان جارتىلاي ورتا سالماقتاعى جەكپە- جەك ءبىرىنشى راۋندتا تەحنيكالىق نوكاۋتپەن، قىتايدان كەلگەن قانداسىمىز نۇراجىنىڭ جەڭىسىمەن اياقتالدى.

وسىلايشا تايلاق نۇراجى كاسىپقوي مانسابىنداعى توعىزىنشى جەڭىسىنە قول جەتكىزسە، بۇل دۋگلاس دە وليۆەيرا ءۇشىن كاسىپقوي م م ا- داعى سەگىزىنشى جەڭىلىسى بولدى.

ايتا كەتەيىك، وسىعان دەيىن بۇگىنگى ءتۋرنيردىڭ باستى ايقاسىندا قازاقستاندىق جالعاس جۇماعۇلوۆ امەريكالىق قارسىلاسىن تورەشىلەر شەشىمىمەن جەڭگەنىن جازعان بولاتىنبىز.

اۆتور

كۇنسۇلتان وتارباي