الماتىداعى جانتۇرشىگەرلىك اۆتوبۋس اپاتىنا قاتىستى سوت وتىرىسى باستالدى

استانا. KAZINFORM - الماتىداعى جانتۇرشىگەرلىك اۆتوبۋس اپاتىنا قاتىستى سوت وتىرىسى باستالدى، - دەپ حابارلايدى Massaget.kz ءتىلشىسى.

الماتى قالاسىنىڭ الاتاۋ اۋداندىق سوتىندا سوتتالۋشى ا. -عا قاتىستى بۇزاقىلىق جاساۋ، سونداي-اق، ەكى جانە ودان دا كوپ ادامنىڭ ابايسىزدا ولىمىنە اكەپ سوققان كولىكتىڭ قاۋىپسىز جۇمىسىن قامتاماسىز ەتەتىن ەرەجەلەرىن بۇزۋ تۋرالى (ق ر ق ك 293-بابىنىڭ، 1-بولىگى، 351-بابىنىڭ 3-بولىگى) قىلمىستىق ءىس بويىنشا سوت وتىرىسى ءوتىپ جاتىر.

سوتتالۋشى ا. 47-باعىتتاعى اۆتوبۋستىڭ جۇرگىزۋشىسىن ۇرىپ-سوققان، سونىڭ سالدارىنان جۇرگىزۋشى ايەل ەسىنەن تانىپ قالىپ، ناتيجەسىندە ايالدامادا تۇرعان ادامداردى اۆتوبۋسپەن باسىپ، اپات سالدارىنان ءۇش ادام قازا تاپقان بولاتىن.