الماتىداعى اۋەسقوي ليگا ويىنى كەزىندە ويىنشىلار تورەشىنى سوققىعا جىققان
الماتى. KAZINFORM - الماتىدا فۋتبولدان اۋەسقوي J ليگا ويىنى كەزىندە جانجال شىقتى. Pioneer مەن Eric-Son كوماندالارى كەزدەسۋىندە ويىنشىلار تورەشىنى سوققىعا جىققان.
ماتچتىڭ 80 مينۋتىندا باس تورەشى Pioneer كومانداسىنىڭ ويىنشىسىنا قىزىل قاعاز كورسەتكەن. شەشىممەن كەلىسپەگەن فۋتبولشى تورەشىگە بىرنەشە رەت سوققى جاسادى. ارتىنشا بۇل وقيعا ۇلكەن جانجالعا ۇلاسىپ، كوماندانىڭ بىرنەشە وكىلى الاڭنان كەتكەن تورەشىنى سوققىعا جىققان.
J ليگا بۇل وقيعاعا بايلانىستى رەسمي مالىمدەمە جاسادى.
- ويىننىڭ رەسمي وكىلىنە توپتىق شابۋىل جاساعانى ءۇشىن Pioneer كومانداسى تۋرنيرگە قاتىسۋشىلار قاتارىنان شىعارىلادى. Pioneer كومانداسىنىڭ ويىنشىلارى ايدوس ابديەۆ ايدوس، ءاليحان تىلەكوۆ جانە تاليپ تىلەۋبەردى OFL- J- LIGA قولداۋىمەن وتەتىن بارلىق تۋرنيردەن ءومىر بويىنا شەتتەتىلەدى، - دەپ حابارلادى ليگانىڭ باسپا ءسوز قىزمەتى.
اۆتور
دوسبول اتاجان