الماتىدا زاڭسىز جۇرگەن افريكا ازاماتتارى انىقتالدى
17:30, 07 - اقپان 2024
الماتى. KAZINFORM - الماتىدا كوشى-قون زاڭناماسىن بۇزعان افريكالىقتار انىقتالدى. ۆەدومستۆو مالىمەتىنشە، زاڭسىز جۇرگەن افريكا ازاماتتارى قالانىڭ ءارتۇرلى نىسانىنان تابىلدى.
«جەكە باسىن كۋالاندىراتىن قۇجاتتارى جوق 16 شەتەلدىك ازامات پوليتسيا دەپارتامەنتىنىڭ قابىلداپ-تاراتۋ ورنىنا ورنالاستىرىلدى، افريكا ەلىنەن كەلگەن تاعى 8 ازاماتتى قازاقستاننان ماجبۇرلەپ شىعارۋ ماسەلەسى شەشىلىپ جاتىر. سونىمەن قاتار باسقا دا بۇزۋشىلىقتاردى انىقتاۋ بويىنشا ءىس- شارالار جۇرگىزىلۋدە»، - دەدى الماتى قالالىق پ د كوشى-قون قىزمەتى باسقارماسىنىڭ باستىعى اسحات بۋتۋنچينوۆ.