الماتىدا ينتەرنەت-الاياقتىق ءۇشىن ساتىپ الىنعان SIM كارتالار تاركىلەندى
الماتى. KAZINFORM - الماتى قالاسىنىڭ پوليتسەيلەرى جەدەل- ىزدەستىرۋ ءىس-شارالارى بارىسىندا جۇزدەگەن SIM- كارتا مەن موبيلدى قۇرىلعىلاردى جاپپاي ساتىپ العان ايەلدى ۇستادى.
- بەلگىلى بولعانداي، بۇل قولدانىلعان قۇرىلعىلار الاياقتاردىڭ انونيمدى ارەكەت ەتۋىنە مۇمكىندىك بەرگەن. ولار ءوزىن مەملەكەتتىك ورگان نەمەسە بانك قىزمەتكەرى رەتىندە تانىستىرىپ، ازاماتتاردى الداعان. ۇستالعان ايەل «جەڭىل تابىس» تۋرالى حابارلاماعا جاۋاپ بەرىپ، سىياقى ءۇشىن جۇزدەگەن ابونەنتتىك ءنومىردى ءوز اتىنا راسىمدەگەنىن مويىندادى، - دەيدى الماتى قالالىق پ د كيبەرقىلمىسپەن كۇرەس باسقارماسىنىڭ باستىعى انەس قالدىبايەۆ.
ءدال وسى نومىرلەر ارقىلى بىرنەشە قىلمىستىق ىسكە قاتىسى بار قوڭىراۋلار جاسالعانى انىقتالدى.
— SIM- كارتالار، پوشتالار، بانك جانە مەسسەندجەر اككاۋنتتارىمەن بايلانىستى كەز كەلگەن «ۇيدەن جۇمىس» ۇسىناتىن حابارلامالار - بۇل جوعارى قاۋىپتىلىك بەلگىسى. ادام مۇنداي ارەكەتتەر ارقىلى ءوز ەركىنەن تىس قىلمىستىق ارەكەتكە ارالاسىپ كەتۋى مۇمكىن. سوندىقتان مۇنداي ۇسىنىستارعا ساقتىقپەن قاراپ، ارتىندا قانداي ماقسات تۇرعانىن تەرەڭ ويلاعان ءجون، - دەدى ول.
وسىعان دەيىن ءىىم قازاقستاندىقتارعا الاياقتىقتىڭ جاڭا تۇرىنە بايلانىستى ۇندەۋ جاساعان بولاتىن.