الماتىدا پويىز بيلەتىن ساتقان دەلدالدار ۇستالدى

استانا. KAZINFORM - الماتىدا پويىز بيلەتتەرىن ساتىپ، جولاۋشىلارعا زاڭسىز قىزمەت ۇسىنعان دەلدالدار ۇستالدى. جۇرت بيلەت تاپپاي، سابىلىپ جۇرسە، كەي پىسىقتار مۇنى تابىس كوزىنە اينالدىرعان.

جىلدا جاز مەزگىلىندە قايتالاناتىن بۇل جاعدايعا توسقاۋىل جوق پا؟

پويىزدارعا بيلەت جوق. قازاقستاندىقتار باراتىن جەرىنە ۋاقىتىلى جەتۋ ءۇشىن ەرتەرەك قامدانۋدى ادەتكە اينالدىرعان. ال شۇعىل جولعا شىعۋى كەرەك ادامدار كاسسا تابالدىرىعىن توزدىرىپ ءجۇر.

- بولسا الىپ كەتەيىن دەگەم. قازىر بيلەت جوق الماتىعا قاراي.

- كەز كەلگەن باعىتقا قازاقستان بويىنشا كەز كەلگەن قالاعا كەم دەگەندە 2 اپتا نەمەسە ءبىر ايدا بيلەت الماسا جاقىنداعاندا بيلەت تابىلمايدى.

مۇنداي كەزدى پىسىقايلار ۇتىمدى پايدالانادى. ولار ۆوكزالعا كەلگەن كوپشىلىككە «كومەگىن» ۇسىنىپ، پايدا كورىپ ءجۇر. جاقىندا الماتىدا وسىنداي زاڭسىز قىزمەتپەن اينالىسقاندار ۇستالدى.

بۇل جاعداي جەكەمەنشىك كاسسادا ورىن العان. قازىر اتالعان مەكەمە جابىلىپ، دەرەكتەر قۇزىرلى ورگاندارعا جىبەرىلدى. جولاۋشىلار تاسىمالى كومپانياسىنىڭ وكىلى دەلدالدارعا جەم بولماۋ ءۇشىن رەسمي كوزدەردەن ساتىپ الۋ كەرەگىن ەسكەرتەدى.

ناريمان دۇيسەكەيەۆ، «جولاۋشىلار تاسىمالى» ا ق رەسمي وكىلى:

- قازىر 15 سيفرلىق پلاتفورما ارقىلى بيلەت ساتىپ الۋعا بولادى. ودان بولەك بيلەت. رەيلۋەيس. ك ز سايتىندا ەشقانداي كوميسسياسىز جول ءجۇرۋ قۇجاتى ساتىلادى. ەگەر ءسىز قالاعان باعىتتا بيلەت بولماسا كۇتۋ پاراعىنا تىركەلە الاسىز. كەزەككە جولعا شىعۋدان جەتى كۇن بۇرىن، ءتىپتى بىرنەشە ساعات قالعاندا دا تۇرۋعا بولادى. جىل باسىنان بەرى 17 مىڭ بيلەت وسى كۇتۋ پاراعى ارقىلى ساتىلدى.

جاۋاپتىلاردىڭ ايتۋىنشا، بيلەتتىڭ بولماۋىنا ۆاگون تاپشىلىعى باستى سەبەپ. قازىر ۇلتتىق تاسىمالداۋشىنىڭ 2150 ۆاگونى بار. ونىڭ 450- ءى ەسكىرگەن. 2030 -جىلعا دەيىن پاركتى 90 پايىز جاڭارتۋدى جوسپارلاپ وتىر. بۇل باعىتتا وتاندىق جانە شەتەلدىك كومپانيالارمەن كەلىسىمدەر جاسالدى.

24.kz