الماتىدا ورتەنگەن حوستەلدە تۇرعان ستۋدەنتتەر قاي ج و و-دا وقيتىن ەدى

الماتىدا ورتەنگەن حوستەلدە تۇرعان 12 ستۋدەنت - التى جوعارى وقۋ ورىننىڭ ستۋدەنتتەرى بولاتىن. بۇل تۋرالى الماتى قالالىق جاستار ساياساتى باسقارماسى باسشىسىنىڭ ورىنباسارى ازيز قاجدەنبەك ايتتى، دەپ حابارلايدى Kazinform.

«حوستەلدە تۇرعان 72 ادامنىڭ 12 سى ستۋدەنت ەدى. ولار - ءال-فارابي اتىنداعى قازاق ۇلتتىق ۋنيۆەرسيتەتى، اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى، سپورت جانە تۋريزم اكادەمياسى، ەنەرگەتيكا جانە كوممۋنيكاتسيالار ۋنيۆەرسيتەتى، كاسپي ۋنيۆەرسيتەتى، قۇرمانعازى اتىنداعى كونسەرۆاتوريانىڭ ستۋدەنتتەرى بولاتىن»، - دەدى ازيز قاجدەنبەك.

ەسكە سالساق، الماتىدا حوستەل ورتەنىپ، 13 ادام قازا تاپتى.

حوستەلدەن 59 ادام ەۆاكۋاتسيالانىپ، 56 سى جاقىن ماڭداعى مەكتەپكە ۋاقىتشا ورنالاستىرىلدى.

وندا تۇرعانداردىڭ دەنى - ستۋدەنتتەر مەن جاس جۇمىسشىلار بولعان. پاكىستان مەن ءۇندىستاننان كەلگەن مەديتسينا ۋنيۆەرسيتەتىنىڭ ستۋدەنتتەرى دە بار.

ق ر پرەمەر-ءمينيسترى ءاليحان سمايىلوۆتىڭ وكىمىمەن ءورت سەبەبىن تەكسەرۋ جانە ونىڭ سالدارىن جويۋ جونىندەگى ۇكىمەتتىك كوميسسيا قۇرىلدى.

ءورتتىڭ شىعۋ سەبەپتەرىن تەكسەرۋ ءۇشىن مينيستر، گەنەرال- مايور سىرىم ءشارىپحانوۆتىڭ باسشىلىعىمەن ت ج م-نىڭ جەدەل توبى وقيعا ورنىنا اتتاندى.

قىلمىستىق كودەكسىنىڭ 292-بابىنا سايكەس قىلمىستىق ءىس قوزعالدى.

الماتى اكىمدىگى جەرلەۋ ءراسىمىن ۇيىمداستىرۋعا جانە قازا تاپقانداردىڭ دەنەسىن تاسىمالداۋعا كومەكتەسەدى.

مەملەكەت باسشىسى قازا تاپقان قازاقستاننىڭ جانە شەتەل ازاماتتارىنىڭ جاقىندارى مەن تۋعان-تۋىستارىنا كوڭىل ايتتى.