الماتىدا پوليتسيا كولىگى اپاتقا ۇشىرادى
11:06, 24 - مامىر 2025
الماتى. KAZINFORM - الماتىدا ءتارتىپ ساقشىلارىنىڭ كولىگى جول-كولىك وقيعاسىنا ۇشىرادى.
قالالىق پوليتسيا دەپارتامەنتىنىڭ مالىمەتىنشە، وقيعا المالى اۋدانىندا بولعان. ەسىرتكىگە ماس بولىپ ۇستالعان ادام كەنەتتەن جۇرگىزۋشىگە كەدەرگى جاساپ، ءرۋلدى تارتىپ جىبەرگەن. ناتيجەسىندە قىزمەتتىك كولىك باسقا جەڭىل كولىككە سوعىلعان.
- ەشكىم زارداپ شەككەن جوق. وقيعا پوليتسيا قىزمەتكەرى قىزمەتتىك مىندەتتەرىن اتقارعان كەزدە بولعان. قازىر قىزمەتتىك تەكسەرۋ تاعايىندالدى. ناتيجەلەرى بويىنشا بارلىق قاتىسۋشىلاردىڭ ءىس-ارەكەتتەرىنە قۇقىقتىق باعا بەرىلەدى. ۇستالعان ادامعا قاتىستى زاڭناماعا سايكەس شارالار كوزدەلگەن، - دەپ حابارلادى دەپارتامەنتتەن.
ەسكە سالايىق، بۇعان دەيىن الماتى اۋەجايى جوندەۋ جۇمىستارىنا بايلانىستى جولاۋشىلارعا ەسكەرتۋ جاسادى.
اۆتور
دوسبول اتاجان