الماتىدا ترولەيبۋس ايالداماعا سوعىلىپ، ءبىر ادام زارداپ شەكتى
الماتى. KAZINFORM - الماتىدا قوعامدىق كولىك تاعى دا جول-كولىك وقيعاسىنا ۇشىرادى. №7-ترولەيبۋس سەيفۋللين كوشەسىنىڭ بويىنداعى ايالداماعا سوعىلدى.
- جەرگىلىكتى پوليتسيا قىزمەتىنىڭ كەزەكشى بولىمىندە حابارلاعانداي، بۇل جول-كولىك وقيعاسى المالى اۋدانىندا بولدى. تروللەيبۋس جۇرگىزۋشىسى سەيفۋللين داڭعىلىمەن وڭتۇستىك باعىتتا ءجۇرىپ كەلە جاتىپ، ماقاتايەۆ كوشەسىنە جەتپەي ايالداما كەشەنىنە سوعىلدى. اپات سالدارىنان ءبىر جاياۋ جۇرگىنشى دەنە جاراقاتىن الدى. وقيعانىڭ باسقا ءمان-جايلارىن المالى اۋداندىق پوليتسيا باسقارماسىنىڭ قىزمەتكەرلەرى انىقتايدى، - دەپ حابارلادى قالالىق پ د باسپا ءسوز قىزمەتى.
ەسكە سالايىق، 2024 -جىلى 26-ماۋسىم كۇنى № 18-باعىتتاعى اۆتوبۋس اپاتقا ۇشىراپ، ءبىر ادام مەرت بولدى.
سونداي-اق 16-شىلدە كۇنى جۇك كولىگى ايالداما كەشەنىندە توقتاعان №137-اۆتوبۋستى سوعىپ، سالدارىنان 9 جولاۋشى زارداپ شەكتى.
ايتا كەتەيىك، بۇعان دەيىن الماتىدا اۆتوبۋس اپاتى نەگە جيىلەگەنىن جازعانبىز.
اۆتور
دوسبول اتاجان