الماتىدا تەرروريزمدى ناسيحاتتادى دەپ ايىپتالعان ەكى شەتەلدىك قولعا ءتۇستى
10:53, 29 - مامىر 2024
الماتى. KAZINFORM - ۇلتتىق قاۋىپسىزدىك كوميتەتى تەرروريزمدى ناسيحاتتادى دەپ ايىپتالعان كۇدىكتىلەردى ۇستادى.
28-مامىردا ۇ ق ك پروكۋراتۋرانىڭ ۇيلەستىرۋى جانە الماتى قالاسى پوليتسياسىنىڭ كومەگىمەن تەرروريزمدى ناسيحاتتادى دەگەن كۇدىكپەن 2 شەتەل ازاماتىن ۇستادى.
تەرگەۋ مالىمەتى بويىنشا ولار بۇرىن ۇزاق ۋاقىت شەتەلدە ءومىر ءسۇرىپ، راديكالدى ءدىني يدەولوگياعا تارتىلعان.
قازاقستانعا بيىل كەلگەن، تۇراقتى جۇمىسى جوق.
قىلمىستىق كودەكستىڭ 256-بابىنىڭ 2-بولىگى بويىنشا سوتقا دەيىنگى تەرگەۋ ءجۇرىپ جاتىر.
قىلمىستىق- پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريالانبايدى.
اۆتور
جانات قاپالبايەۆا