الماتىدا تۇرعىن ءۇيدىڭ كىرەبەرىسىندە تۋىسقانىن ولتىرگەن ايەل ۇستالدى

الماتى. KAZINFORM - پوليتسيا دەپارتامەنتىنىڭ مالىمەتىنە سايكەس، المالى اۋدانىنداعى ۇيلەردىڭ ءبىرىنىڭ كىرەبەرىسىندە دەنەسىندە پىشاق جاراقاتتارى بار ەر ادامنىڭ ءمايىتى تابىلعان.

«بۇل قىلمىس «ءىزىن سۋىتپاي» اشىلدى. قىلمىس جاسادى دەگەن كۇدىكپەن پوليتسيا ەكيپاجى ايەل ادامدى ۇستادى. ول قايتىس بولعان ەر ادامنىڭ تۋىسى. ولاردىڭ اراسىندا كيكىلجىڭ بولىپ، ناتيجەسىندە ايەل ادامنىڭ قولىنا پىشاق العاندىعى بەلگىلى بولدى. كىسى ءولتىرۋ دەرەگى بويىنشا قىلمىستىق ءىس قوزعالدى. ساراپتامالار تاعايىندالدى. باسقا دا ءمان-جايلارى انىقتالۋدا»، - دەدى المالى اۋداندىق پوليتسيا باسقارماسىنىڭ باستىعى ولجاس ءشارىپوۆ.

ايتا كەتكەن ءجون، ق ر كونستيتۋتسياسىنىڭ 77-بابى 3-ءبولىمى، 1-تارماعى، ق ر ق ك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.

اۆتور
دوسبول اتاجان