الماتىدا «تاۋەلسىزدىك تاڭى» مونۋمەنتىنە گۇل شوقتارى قويىلدى

سالتاناتتى ءىس-شاراعا الماتى قالاسى اكىمىنىڭ ورىنباسارى ارمان قىرىقبايەۆ، ءماسليحات دەپۋتاتتارى، جەلتوقسان وقيعاسىنىڭ قاتىسۋشىلارى، قوعامدىق ۇيىمداردىڭ وكىلى، اسكەري وقۋ ورىندارىنىڭ كۋرسانتتارى، قالا جاستارى جانە ت. ب. قاتىستى، دەپ حابارلايدى Kazinform.

ءىس-شارا 1986 -جىلعى جەلتوقسان وقيعاسىن ەسكە الۋعا ارنالدى.

الماتى اكىمدىگى حابارلاعانداي، گۇل شوقتارىن قويۋ ءراسىمى قالالىق قارۋلى كۇشتەرى ۇلتتىق اسكەري-پاتريوتتىق ورتالىعى وركەسترىنىڭ سۇيەمەلدەۋىمەن باستالدى.

فوتو: الماتى اكىمدىگىنىڭ باسپا ءسوز قىزمەتى

گۇل شوعى قويىلعان سوڭ، جينالعان قاۋىم مەترونومنىڭ ۇنىمەن سول وقيعادا قازا تاپقان جانداردى ءبىر مينۋت ۇنسىزدىكپەن ەسكە الدى. شارا سوڭىندا ءدىن قىزمەتكەرلەرى باقيلىق بولعانداردىڭ رۋحىنا قۇران باعىشتادى.

ەسكە سالساق، بۇگىنگى كۇنى الماتىدا 1986 -جىلى جەلتوقسان وقيعاسىنا قاتىسقان 670 ادام تۇرادى. بيىل قالا اكىمى ەربولات دوسايەۆتىڭ تاپسىرماسىنا سايكەس الماتىدا جەلتوقسان وقيعاسىنا قاتىسۋشىلارعا ءبىرجولعى تولەم 150 مىڭ تەڭگەدەن 250 مىڭ تەڭگەگە ۇلعايتىلدى.