الماتىدا تاعى ءبىر كوشە ەكى ايعا جابىلادى

الماتى. KAZINFORM - الماتىدا ياسساۋي كوشەسىنىڭ ءبىر بولىگىندە كولىك قوزعالىسى ۋاقىتشا شەكتەلەدى.

ساين -شالياپين -ياسساۋي -جاندوسوۆ كوشەلەرى بويىندا سۋ قۇبىرى جانە كارىز جەلىلەرىن تارتۋ جۇمىستارىنىڭ باستالۋىنا بايلانىستى 23 -ماۋسىم مەن 30 -تامىز ارالىعىندا ياسساۋي كوشەسىندە اۆتوكولىك قوزعالىسى كەزەڭ- كەزەڭىمەن شەكتەلەدى:

23 -ماۋسىمنان باستاپ 8 -شىلدەگە دەيىن جاندوسوۆ كوشەسىنەن ستەپنايا كوشەسىنە دەيىن قوزعالىس شەكتەلەدى.

8 -شىلدە - 21 -شىلدە ارالىعىندا ستەپنايا كوشەسىنەن تايبۋرىل كوشەسىنە دەيىن جول جابىلادى.

21-شىلدەدەن باستاپ 10- تامىزعا دەيىن تايبۋرىل كوشەسىنەن ياسساۋي كوشەسى، 13ا مەكەنجايىنا دەيىن جابىلادى.

10 - 31- تامىز ارالىعىندا ياسساۋي كوشەسى، 13ا مەكەنجايىنان شالياپين كوشەسىنە دەيىن كولىك قوزعالىسى شەكتەلەدى.

- ينجەنەرلىك جەلىلەردى توسەۋ جۇمىستارى تىعىز تاستى توپىراقتىڭ بولۋىنا بايلانىستى اشىق ادىسپەن جۇرگىزىلەدى. بۇل كولدەنەڭ باعىتتا بۇرعىلاۋ ءادىسىن (ك ب ب) قولدانۋعا مۇمكىندىك بەرمەيدى، - دەپ اتاپ ءوتتى اكىمدىكتەن.

ەسكە سالايىق، 31-مامىردان 20 -شىلدەگە دەيىن بوگەنباي باتىر كوشەسىنىڭ ءبىر بولىگى، 31 -مامىردان 30 -ماۋسىمعا دەيىن تۇركسىب اۋدانىندا كوتەلنيكوۆ كوشەسىنىڭ ءبىر بولىگى جابىلدى.

سونداي- اق  -ماۋسىمنان باستاپ 20- تامىزعا دەيىن ساتپايەۆ كوشەسىمەن ماسانچي كوشەسىنەن باستاپ بايتۇرسىنوۆ كوشەسىنە دەيىن ەكى باعىتتا قوزعالىس شەكتەلەدى. 2 -ماۋسىمنان باستاپ 20-تامىزعا دەيىن عابدۋللين كوشەسىندە ريمسكيي- كورساكوۆ كوشەسىنەن باستاپ ناحيموۆ كوشەسىنە دەيىن ەكى باعىتتا قوزعالىس شەكتەلەدى.