الماتىدا سەيسميكالىق وقۋ-جاتتىعۋ وتەدى

الماتى. KAZINFORM - الماتىدا 23-اقپان جەر سىلكىنىسى كەزىندەگى ءىس- ارەكەتتەردى پىسىقتاۋ ءۇشىن وقۋ- جاتتىعۋ وتەدى

.تاڭعى ساعات 10:00 دە قالا بويىنشا دابىل جۇيەلەرى ىسكە قوسىلادى. بۇل تۋرالى باسپا ءسوز ءماسليحاتى بارىسىندا الماتى قالاسى توتەنشە جاعدايلار دەپارتامەنتىنىڭ باستىعى نۇرلان اتىعايەۆ ءمالىم ەتتى.

سپيكەردىڭ سوزىنشە، توتەنشە جاعدايلار مينيسترلىگىنىڭ جەدەل توبى تۇرعىندار اراسىندا اۋقىمدى ۇگىت-ناسيحات جۇمىستارىن باستاپ كەتتى.

«ەرتەڭ 23-اقپاندا، دۇنيەجۇزىلىك ازاماتتىق قورعانىس كۇنىن مەرەكەلەۋ اياسىندا تاڭعى ساعات 10:00 دە الماتىدا جالپى قالالىق سەيسميكالىق جاتتىعۋلار وتكىزىلەتىن بولادى. وسىعان بايلانىستى، قالا تۇرعىندارى مەن قوناقتارى سەيسميكالىق جاتتىعۋدى باستاماس بۇرىن دابىل چەمودانىن دايىنداپ، قاۋىپسىز جەرگە ەۆاكۋاتسيالاۋ باعىتىن الدىن الا ايقىنداۋ كەرەك»، - دەدى نۇرلان اتىعايەۆ.

- قاۋىپسىز ورىندار -ەلەكتر جەلىلەرى مەن عيماراتتاردان الىس ورنالاسقان اشىق جەرلەر.

- «بارلىعىنا، نازار اۋدارىڭىز!» سيگنالىن ەستىگەننەن كەيىن، سابىر ساقتاپ، عيماراتتان ەۆاكۋاتسيالانىڭىز.

- توتەنشە جاعدايلارعا دايىن بولۋ - ادام ءومىرى مەن دەنساۋلىعىن ساقتاۋدىڭ كەپىلى. سەيسميكالىق جاتتىعۋعا بەلسەندى قاتىسۋعا شاقىرامىز.

«قالادا شارتتى تۇردە باسپاناسىز قالعان ادامداردى 384 قابىلداۋ پۋنكتى ءىس جۇزىندە ورنالاستىرىلادى. اتالعان بەكەتتەر حالىقتى جيناۋعا، تىركەۋگە، ۋاقىتشا ورنالاستىرۋعا، زارداپ شەككەن حالىقتى قاجەتتى زاتتارمەن (سۋ، تاماق، ازىق- تۇلىك) قامتاماسىز ەتۋگە، كولىككە وتىرعىزىپ جانە ءقاۋىپسىز اۋداندارعا ەۆاكۋاتسيالاۋعا ارنالعان»، - دەپ اتاپ ءوتتى دەپارتامەنت باسشىسى.

ەسكە سالايىق، قاڭتاردىڭ 22 سىنەن 23 ىنە قاراعان تۇندە الماتىدا 5 بالل دەڭگەيىندە جەر سىلكىندى. تۇرىعىندار ۇرەيلەنىپ، ۇيىنەن كوشەگە، دالاعا شىقتى.

كەيىن پرەزيدەنت قاسىم- جومارت توقايەۆتىڭ توراعالىعىمەن الماتى قالاسىندا سەيسميكالىق قاۋىپسىزدىكتى قامتاماسىز ەتۋ ماسەلەلەرى جونىندە كەڭەس ءوتتى.

اۆتور

الما مۇقانوۆا