الماتىدا لاي كوشكىننىڭ ءتۇسۋى: ءۇيىندى استىنان ءتورت ادام ىزدەستىرىلىپ جاتىر

الماتى. KAZINFORM - الماتى اكىمى ەربولات دوسايەۆ توپىراقتىڭ لايلانۋى سالدارىنان بولعان تەحنوگەندىك سيپاتتاعى لاي كوشكەن جەرگە كەلدى.

سول جەردە قالا باسشىسى بۇلىنگەن عيماراتتاردى ارالاپ، شۇعىل كوشپەلى كەڭەس وتكىزدى.

«نەگىزگى باسىمدىق - ىزدەۋ-قۇتقارۋ جۇمىستارى. ۇيدە بولعان ادامداردى ىزدەۋ بويىنشا جۇمىلدىرىلعان توپتىڭ جۇمىسىن ۇزدىكسىز قامتاماسىز ەتۋ قاجەت»، - دەدى ەربولات دوسايەۆ.

كورشىلەردىڭ ايتۋىنشا، بۇل ۇيدە 4 ادامنان تۇراتىن وتباسى بولعان.

اكىمنىڭ تاپسىرماسى بويىنشا، بولعان وقيعانىڭ سەبەپتەرىن تەكسەرۋ جانە لاي كوشكىنى سالدارىن جويۋ بويىنشا ارنايى توپ قۇرىلدى.

ەستەرىڭىزگە سالا كەتەيىك، 8-اقپاندا مەدەۋ اۋدانىنىڭ «تاۋ سامالى» شاعىن اۋدانىنداعى وليمپيسكي كوشەسى بويىندا توپىراقتىڭ لايلانۋى سالدارىنان تەحنوگەندىك سيپاتتاعى لاي كوشكىنى بولدى.

اۆتور
الما مۇقانوۆا